شاريعات بويىنشا ءساۋىر ايىنىڭ جاڭبىرى كوپتەگەن دەرتكە داۋا
استانا. قازاقپارات - ءساۋىر جاڭبىرىنىڭ پايدالارى. جىلاننىڭ ۋى، بالىقتىڭ ءىنجۋى، ءتىپتى بال اراسىنىڭ بالى دا وسى جاڭبىر سۋىنان پايدا بولادى.
ءساۋىر جاڭبىرى قيىنشىلىقتارعا كەڭشىلىك، دەرتتەرگە داۋا، اۋرۋلارعا شيپا سۋ. سۋلاردىڭ ىشىندەگى ەڭ تازا سۋ - ءساۋىر جاڭبىرى. ءساۋىر جاڭبىرىندا سۋلانعان كيىم شىرىمەيدى، شاشتار توگىلمەيدى، اسىرەسە وقىلعان ءساۋىر جاڭبىرى اللانىڭ رۇقساتىمەن قويانشىق اۋرۋىنا شيپا بولادى، پسيحولوگيالىق اۋرۋلارعا داۋا، ءتان اۋرۋلارىنا قارسى كوپ پايدالى. «ءتىپتى بالاسى بولماي جۇرگەندەر ىشسە، اللانىڭ رۇقساتىمەن بالالى بولادى» دەپ ايتىلعان. حز. ءابۋس سۋعۋد (ر. ھ. ) بىلاي دەيدى: «بۇل سۋدى ىشكەن كىسىنىڭ بارلىق اۋرۋلارىنا پايداسى بار. ءتىپتى بالاسى بولماعان كىسى وسى سۋدان ىشسە اللانىڭ رۇقساتىمەن جۇكتى بولادى» ، دەپ جازادى everything.kz.
ءساۋىر جاڭبىرىنا وقىلاتىن دۇعا مەن سۇرەلەر.
1) سالاۋات ءشارىپ 70 رەت.
2) يستيعفار ءشارىپ 70 رەت.
3) فاتيحا ءشارىپ 70 رەت.
4) ءاياتۇل كۇرسى 70 رەت.
5) ءلاقاد ءجا- اكۋم (اياتىن سوڭىنا دەيىن) 70 رەت.
6) ياسين ءشارىپ 1 رەت.
7) ءالام ناشراح لاكا 70 رەت.
8) يننا ءانزالناھۋ 70 رەت.
9) كافيرۋن سۋرەسى 70 رەت.
10) يحلاس سۇرەسى 70 رەت.
11) ءفالاق سۇرەسى 70 رەت
12) ناس سۇرەسى 70 رەت.
13) سۋبحاناللاھي ءۋالحامدۋ ءليللاھي (ءتاسبيح دۇعاسى) 70 رەت.
14) ءلا ءحاۋلا ۋا ءلا قۋۋاتا ءيللا ءبيللاھيل الييل ازيم 70 رەت.
15) سالاۋات ءشارىپ 70 رەت.
ەگەر وسى دۇعالاردى ءوزى وقي الماي جاتسا، قاتەسىز وقي الاتىن كىسىلەرگە وقىتادى.
ماڭىزدى ەسكەرتۋ: ءساۋىر جاڭبىرىن الۋ ءتاسىلى؛ ىدىس بيىك جەرگە قويىلادى. جاڭبىر تىكە ىدىسقا ءتۇسۋى كەرەك. جىلعادان اققان سۋ جارامايدى.
ءار جىلى ءساۋىر ايىنىڭ (رۋمي كۇنتىزبەسى بويىنشا) 17- ءسى اللا تاراپىنان اعاشتار مەن شوپتەرگە تۇقىمدار توگىلەدى. بۇلاردىڭ بارلىعى عاجايىپ سىرلار. مىنە، اللا تاعالانىڭ جاراتىلىستاعى جاراتۋ قۇدىرەتىندە ءبىز بىلمەيتىن كوپتەگەن سىرلار مەن حيكمەتتەر بار. حز. پايعامبارىمىز ءبىر حاديس شارىپىندە بىلاي دەيدى: « ءجابىرايىل (ا. س. ) ماعان سونداي كەرەمەت ءدارى ۇيرەتكەنى (سونشالىق ول ءدارىنىڭ ارقاسىندا) ەمشىلەردىڭ دارىسىنە مۇقتاجدىق قالمايدى» . ساحابالار: «(ول ءدارىنى) بىزگە دە ۇيرەت ۋا، اللانىڭ پايعامبارى!» دەدى. پايعامبارىمىز (س. ا. س. ) : « ءساۋىر جاڭبىرىن جيناڭدار. وعان 70 رەت فاتيحا سۇرەسىن، 70 رەت ىحلاس سۇرەسىن، 70 رەت فالاق سۇرەسىن، 70 رەت ناس سۇرەسىن، 70 رەت ءتاسبيح دۇعاسىن (سۋبحاناللاھي ءۋالحامدۋليللاھي) وقىپ، 7 كۇن ۇزبەي تاڭەرتەڭ جانە كەشكە ءبىر ستاكان ىشىڭىزدەر. مەنى حاق پايعامبار قىلىپ جىبەرگەن اللاعا انت ەتەيىن ءجابىرايىل (ا. س. ) ماعان بىلاي دەدى: «بۇل سۋدى ىشكەن كىسىنىڭ دەنەسىنەن، تامىرىنان، سىڭىرىنەن، ەتتەرىنەن ول كىسىگە قيىنشىلىق بەرگەن اۋرۋلارىن اللا تاعالا كەتىرەدى. ول كىسىگە دەنساۋلىق پەن اماندىق بەرەدى» .
تاعى ءبىر حاديس شارىپتە بىلاي دەلىنگەن: «مەنى حاق پايعامبار قىلىپ جىبەرگەن اللا تاعالاعا انت ەتەيىن بالاسى بولماعان ەر وسى سۋدان ايەلىنە ىشكىزسە اللانىڭ رۇقساتىمەن ايەلى جۇكتى بولادى. باسى اۋىرعان ايەلى بولعان ەر ايەلىنە وسى سۋدان ىشكىزسە، وسى سۋ (ونىڭ جازىلۋى ءۇشىن) جەتكىلىكتى. ىشكەن كىسىنىڭ قاقىرىعىن كەتىرەدى. جەل وعان زيان بەرمەيدى. جامان جاعدايلار وعان جولامايدى. بەل اۋرۋىنان، قارىن اۋرۋىنان ەش ارىزى قالمايدى. الاپەس اۋرۋىنان قورىقپايدى، كوكىرەك اۋىرىنا دۋشار بولمايدى، جۇرەگىنە كەلگەن ءۋاسۋاسا شىعىپ كەتەدى.
مەنمەندىك، قىزعانشاقتىق، تاكاپپارلىق، دۇشپاندىق، عايبات، ءسوز تاسۋشىلىق (سياقتى رۋحاني اۋرۋلاردىڭ بارلىعى) دۇنيەدەگى بارلىق وتكىنشى بولعاندار ءۇشىن اللا تاعالانىڭ رۇقساتىمەن پايدالى بولادى» . ءتافسير ءال- كابير، فاحريددين رازي (ر. ھ. ) . ءساۋىر جاڭبىرىنىڭ جينالاتىن كۇندەرى رۋمي كۇنتىزبەسى بويىنشا ءساۋىر ايىنىڭ 7 سىنەن باستاپ، اي سوڭىنا دەيىن. بيىل ءميلادي جىل ساناۋى بويىنشا ءساۋىر ايىنىڭ 20 سىنان باستاپ، مامىر ايىنىڭ 13 ىنە دەيىن.