جەڭىلىپ كورمەگەن امەريكالىق بوكسشى شۇمەنوۆتى جەكپە-جەككە شاقىردى

استانا. قازاقپارات - امەريكالىق بوكسشى ەندريۋ تابيتي (14-0, 12 ك و) قازاقستاندىق بەيبىت شۇمەنوۆپەن (17-2, 11 ك و) رينگتە كەزدەسكىسى كەلەتىنىن مالىمدەدى.

«بۇل جىگىتتىڭ ماعان تيەسىلى دۇنيەلەردى يەلەنگەنىنەن شارشادىم!»، - دەپ جازدى تابيتي ءوزىنىڭ ينستاگرام پاراقشاسىنا.

شۇمەنوۆ - ءبىرىنشى اۋىر سالماقتا «تۇراقتى» چەمپيون. تابيتي بۇل ۇيىم رەيتينگىندە 11-ورىندا تۇر، ءبىراق WBC رەيتينگىندە ءتورتىنشى ورىندا كەلە جاتىر. سونداي-اق، سولتۇستىك امەريكالىق بوكس فەدەراتسياسىنىڭ (NABF) چەمپيوندىق اتاعىنا يە.

ەسكە سالا كەتسەك، بەيبىت شۇمەنوۆ پەن WBA بويىنشا الەمنىڭ «ۋاقىتشا» چەمپيونى يۋنيەر دورتيكوستىڭ 29- ساۋىرگە جوسپارلانعان جەكپە-جەگى جەرلەسىمىزدىڭ جاراقاتىنا بايلانىستى وتپەيتىن بولدى.