07:11, 20 - ءساۋىر 2017 | GMT +5
بىردە-ءبىر ۇمىتكەرلەردىڭ جوقتىعىنا بايلانىستى البانيا پرەزيدەنتىنىڭ سايلاۋى توقتاتىلدى
استانا. قازاقپارات - البانيادا پرەزيدەنت سايلاۋىنا قاتىساتىن بىردە-ءبىر كانديداتتىڭ بولماۋىنا بايلانىستى ءبىرىنشى كەزەڭ توقتاتىلدى.
بۇل تۋرالى البانيا تەلەگراف اگەنتتىگىنە سىلتەمە جاساپ Life.ru حابارلادى. پارلامەنت قۇقىعى كوميتەتىنىڭ باسشىسى ۆاسيليك حۋسي 19 -ءساۋىر كۇنى ارنايى ءماجىلىس وتكىزىپ، وندا مەملەكەت باسشىسى لاۋازىمى ءۇشىن سايلاۋعا تۇسەتىن كانديداتتاردىڭ جوق ەكەندىگى انىقتالدى، دەپ جاريالادى.
«مۇنداي جاعدايدا كونستيتۋتسيا كوميتەتى پلەنارلىق ماجىلىسكە قاتىسۋشىلارعا پرەزيدەنت سايلاۋىنىڭ ءبىرىنشى كەزەڭىنىڭ اياقتالعاندىعى تۋرالى ەسەپتى ۇسىنادى»، - دەدى ول.
الايدا، رەسپۋبليكا پارلامەنتىنىڭ ءتوراعاسى يلير مەتا سايلاۋدىڭ ەكىنشى كەزەڭىن جۇزەگە اسىرۋ ءۇشىن دەپۋتاتتارعا جاڭا ءماجىلىس شاقىرۋدى ۇسىندى.
