قازاقستان اۋماعىندا نوسەرلى جاۋىن جاۋىپ، ۇسىك جۇرەدى - قازگيدرومەت

سينوپتيكتەردىڭ بولجامى بويىنشا، ەلىمىزدىڭ سولتۇستىك وڭىرلەرىندە 21-24- ءساۋىر كۇندەرى ارالىعىندا بەلسەندى تسيكلونداردىڭ وتۋىمەن جانە ولارعا بايلانىستى اتموسفەرالىق فرونتتارمەن اۋا رايى قايتا ناشارلايدى.

«قوستاناي، سولتۇستىك قازاقستان، اقمولا، پاۆلودار، قاراعاندى جانە شىعىس قازاقستان وبلىستارىندا قاتتى نوسەر بولىپ، كۇن ەداۋىر سۋىتادى»، - دەپ اتاپ ءوتتى گيدرومەتەورولوگيالىق ورتالىقتىڭ ديرەكتورى مارينا شميدت.

ونىڭ ايتۋىنشا، باتىس قازاقستان وبلىسىندا تۇندە 3+2- گرادۋس سۋىق، كۇندىز 10+15+ گرادۋس جىلى بولادى.

سولتۇستىك، ورتالىق جانە شىعىس ايماقتاردا تۇندە تەمپەراتۋرا باعامى 3 +2- گرادۋسقا دەيىن تومەندەيدى. ال وڭتۇستىك پەن وڭتۇستىك-شىعىس وڭىرلەردە تۇندە 2+3+ گرادۋس دەڭگەيىندە تىركەلەدى.

كۇندىز 18+23+ گرادۋسقا دەيىن كوتەرىلەدى. «ودان كەيىن ورتالىق ازيادان كەلگەن جىلى سيكلونمەن ەلدىڭ باسىم بولىگىندە جىلىمىق ورنايدى. ەلدىڭ سولتۇستىگىندە اۋا رايى 18+23+ گرادۋس بولسا، وڭتۇستىكتە 20+28+ گرادۋس بولادى. ءبىراق ول دا كوپكە سوزىلمايدى. اي سوڭىندا رەسپۋبليكانىڭ بارلىق وڭىرلەرىندە جاڭبىر جاۋىپ، كۇن سۋىتادى دەپ كۇتىلۋدە»، - دەدى ول.

اۆتور: جاسۇلان جولدىبايەۆ