وڭتۇستىك كورەيانىڭ بۇرىنعى پرەزيدەنتىنە ناقتى ايىپ تاعىلدى
استانا. قازاقپارات - وڭتۇستىك كورەيا پروكۋراتۋراسى ەلدىڭ بۇرىنعى پرەزيدەنتى پاك كىن حەگە سىبايلاس جەمقورلىقپەن بايلانىستى ايىپتار تاقتى، دەپ جازادى «حابار 24».
تەرگەۋشىلەر پاك كىن حە ءوز بيلىگىن اسىرا پايدالانىپ پارا العان جانە مەمەلكەتتىك قۇپيانىڭ جاريالانۋىنا سەبەپكەر بولعان.
ناقتىراق ايتقاندا ول قۇربىسى چوي سۋن شيلمەن بىرىگىپ ەلدەگى ءىرى كومپانيالاردان اقشا بوپسالاعان. ال ايىپتاۋلار وتكەن جىلى پاك كىن حەنىڭ قۇربىسىمەن بايلانىستى تەرگەۋ اياقتالعاننان كەيىن جاسالىپ وتىر.
ەستەرىڭىزگە سالا كەتەيىك، ساياسي جانجال وتكەن جىلى جۋرناليستەر قوقىستان چون سۋن شيلدىڭ نوۋتبۋگىن تاۋىپ العاننان كەيىن باستالعان. ارتىنان ونىڭ مەملەكەت ىسىنە ارالاسىپ، وزىنە قاراستى قورلار ارقىلى قوماقتى قارجى العانى بەلگىلى بولادى.
وسىدان كەيىن ەلدە نارازىلىق شەرۋلەرى ءوتىپ، ونىڭ اياعى پرەزيدەنتكە يمپيچمەنت جاريالاۋعا اكەلىپ سوقتى.
