قارۋلى كۇشتەردەگى ايەلدەر كەڭەسىنىڭ جۇمىسى تالقىلاندى
ق ر قورعانىس مينيسترلىگى ايەلدەر كەڭەسىنىڭ وكىلدەرى اسكەري قىزمەتشىلەر مەن ولاردىڭ وتباسىلارى تۇرىپ جاتقان اسكەري قالاشىقتار مەن جاتاقحانالاردى ارالاپ شىعىپ، نازار اۋدارۋ قاجەت وزەكتى ماسەلەلەردى اتاپ ءوتىپ، ءبىرقاتار كەزدەسۋلەر وتكىزدى.
قازاقستاننىڭ قارۋلى كۇشتەرىندەگى ايەلدەر كەڭەسى اسكەري قىزمەتشىلەردىڭ وتباسىلارىمەن بەلسەندى ءوزارا ءىس-ارەكەتتەگى جۇمىس جاسايدى. ولار اسكەري قىزمەتشىلەردىڭ وتباسى مۇشەلەرىنىڭ مورالدىق-پسيحولوگيالىق جاعدايىنىڭ مونيتورينگىسىن جۇرگىزەدى، ولارعا پراكتيكالىق كومەك كورسەتۋ جانە پروبلەمالىق ماسەلەلەردى شەشۋ بويىنشا شارالاردى ىسكە اسىرادى.
رەتكە كەلتىرىلگەن كەشەندى جۇيەلى جۇمىس شەڭبەرىندە ۇدايى نەگىزدە اشىق ەسىك كۇندەرى، قولباسشىلىقتىڭ اسكەري قىزمەتشىلەرمەن جانە ولاردىڭ وتباسى مۇشەلەرىمەن كەزدەسۋلەرى ۇيىمداستىرىلادى. وندا الەۋمەتتىك- تۇرمىستىق سيپاتتاعى، ياعني، اسكەري قىزمەتشىلەردىڭ ايەلدەرىن جۇمىسقا ورنالاستىرۋ، بالالاردى مەكتەپكە جانە بالاباقشاعا بەرۋ سىندى ماسەلەلەر تالقىلانادى جانە شەشىلەدى.
