كاناداداعى وزەندەردىڭ ءبىرى جۇمباق جاعدايدا جوعالىپ كەتتى
استانا.قازاقپارات - كانادا مەن ا ق ش عالىمدارى 2016 - جىلى سولتۇستىك امەريكا وزەندەرىنىڭ ءبىرى تارتىلىپ قالعانىن انىقتاعان دەپ حابارلايدى lenta.ru سايتىنا سىلتەمە جاساپ.
اتالعان زەرتتەۋ Nature Geoscience جۋرنالىندا جاريالاندى. ماماندار 2016 -جىلى يۋكوندا ورنالاسقان سليمس وزەنىنىڭ مۇلدەپ توقتاپ قالعانىن انىقتاعان.
وزەننىڭ تارتىلۋ سەبەبى كاناداداعى كاسكاۆۋلش مۇزدىعىنىڭ ماتەريك تۇبىنە ءتۇسىپ كەتۋىنەن بولعان. اتالعان تابيعات قۇبىلىسى بىرنەشە مىڭداعان جىلدار ورناپ قالعان اعىندى كانال جۇيەسىن وزگەرتەدى. سالدارىنان مۇزدىقتاعى سۋ سليمس وزەنى ارقىلى سولتۇستىك باعىتقا ەمەس، وڭتۇستىكتەگى كاسكاۆۋلش ارقىلى تىنىق مۇحيتىنا قاراي كەتكەن.
عالىمدار بۇعان عالامدىق جىلىنۋ اسەر ەتتى دەپ وتىر. سليمس وزەنى 2015 -جىلى بار بولعان. ونىڭ جوعالىپ كەتۋىن عالىمدار سپۋتنيكتى سۋرەتتەر كومەگىمەن انىقتادى.
NUR. KZ
