قورعانىس مينيسترلىگى اسكەريلەردى باسپانامەن قامتۋدىڭ جاڭا فورماتىن ۇسىندى
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە باس شتاب باسشىسىنىڭ ورىنباسارى، گەنەرال- مايور مۇحامەدجان تالاسوۆ ءمالىم ەتتى، دەپ حابارلايدى قازاقپارات.
«مينيسترلىك «تۇرعىن ءۇي قاتىناستارى ماسەلەلەرى بويىنشا ق ر زاڭدارىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن جاساقتاۋ ماقساتىندا اسكەري قىزمەتشىلەر مەن ولاردىڭ وتباسىلارىن باسپانامەن قامتاماسىز ەتۋدىڭ جاڭا مەحانيزمدەرى جاسالدى. وسى ورايدا، ەكىنشى دەڭگەيلى بانكتەردە ارنايى ەسەپشوتقا اي سايىن تۇرعىن ءۇي وتەماقىلارىن اۋدارۋ ارقىلى ق ر قارۋلى كۇشتەرىنىڭ اسكەري قىزمەتشىلەرىنىڭ پاتەر الۋ قۇقىعىن مونەتيزاتسيالاۋ ۇسىنىلعان»، - دەپ اتاپ ءوتتى م. تالاسوۆ.
ونىڭ سوزىنشە، باسپانا جيناعىنداعى اقشانى مولايتۋ ارقىلى اسكەري قىزمەتشىلەر ءتۇرلى مەملەكەتتىك باعدارلامالارعا دا قاتىسا الادى. بۇل تەتىك اسكەري ادامدارعا قىزمەت مەرزىمى اياقتالۋىن كۇتپەستەن-اق، نەسيەلىك يپوتەكا ارقىلى پاتەر الۋ قۇقىعىن بەرەدى. قازىرگى تاڭدا تۇرعىن ءۇي جيناق بانكى اسكەري قىزمەتشىلەرگە جەڭىلدەتىلگەن نەسيە تۇرلەرىن شىعارۋدى جوسپارلاۋدا.
اۆتور: جاسۇلان جولدىبايەۆ
