پوليتسەيلەر ەكى اياعى جوق جارىمجاندى بولىمشەگە ەڭبەكتەپ كىرۋگە ماجبۇرلەدى - كەسكىن
استانا. قازاقپارات - رەسەيدىڭ "مينەارالنىە ۆودى" قالاسىندا كۋاگەر پوليتسەيلەردىڭ ەكى اياعى جوق جارىم جانعا ىستەگەن ارەكەتىن ۆيدەوعا ءتۇسىرىپ الدى.
ولار مۇگەدەك ادامدى پوليتسيا بولىمشەسىنە ەڭبەكتەپ كىرۋگە ماجبۇرلەگەن. ەر ادام وسى وقيعانىڭ ۆيدەوسىن "ۆكونتاكتە" الەۋمەتتىك جەلىسىندەگى "تيپيچنىە مينەرالنىە ۆودى" پابليگىندە جاريالاعان.
وقيعا 15 -ساۋىردە قالالىق ءى ءى ب- نىڭ عيماراتىنىڭ الدىندا بولعان. ۆيدەونىڭ اۆتورى قۇقىق قورعاۋ ورگاندارىنىڭ قىزمەتكەرلەرى پاترۋلدىك كولىكپەن ءۇيسىز ادامدى بولىمشەنىڭ الدىنا كەلىپ ءتۇسىرىپ، جارىم جاننىڭ ەڭبەكتەپ كىرۋىنە ماجبۇرلەگەنىن ايتادى.
ۆيدەو قولدانۋشىلار اراسياندا قىزۋ تالقىعا ءتۇستى. كوپتەگەن پىكىر قالدىرۋشىلار وسى ەكى پوليتسەيدىڭ جۇمىستان بوساتىلۋىن تالاپ ەتىپ جازعان. وسى ءۇيسىز مۇگەدەك تۋرالى ۆيدەو ب ا ق بەتتەرىنە شىققاننان كەيىن، جەرگىلىكتى قۇقىق قورعاۋ ورگاندارى تەكسەرىس جۇمىستارىن باستاعان.
