07:30, 18 - ءساۋىر 2017 | GMT +5
مەسسي «بارسەلونادا» كورگىسى كەلەتىن ويىنشىلاردىڭ ءتىزىمىن جاسادى
استانا. قازاقپارات - كاتالوندىق «بارسەلونانىڭ» شابۋىلشىسى ليونەل مەسسي كومانداسىندا كورگىسى كەلەتىن فۋتبولشىلاردىڭ ءتىزىمىن جاسادى.
فۋتبولشى الداعى ترانسفەر كەزىندە باسشىلاردان وسى ويىنشىلاردى ساتىپ الۋلارىن وتىنگەن. كوماندا الداعى ۋاقىتتا قورعاۋشى، جارتىلاي قورعاۋشى، پلەيمەيكەر جانە شابۋىلشى ىزدەستىرمەك ەكەن.
مەسسي بۇل ورىندارعا لايىقتى ويىنشىلاردى تاڭداپ ۇلگەرگەن. ول قورعاۋشى ەكتور بەلەرين («ارسەنال») مەن جارتىلاي قورعاۋشى رەتىندە ماركو ۆەراتتي (پ س ج) جانە بەرناردۋ سيلۆانىڭ («موناكو») كەلگەنىن قالايدى.
ال پلەيمەيكەر قىزمەتىن فيليپپە كوۋتينو («ليۆەرپۋل») اتقارا الاتىنىنا سەنىمدى. ءبىراق اعىلشىندىق كلۋب ءوز ويىنشىسىن ساتپايتىنىن مالىمدەپ ۇلگەردى. شابۋىل شەبىنە كيليان مباپپەنىڭ («موناكو») نەمەسە ۋسمان دەمبەلەنىڭ («بورۋسسيا دورتمۋند») كەلگەنىن ءجون سانايدى، دەپ جازادى Vesti.kz.
