مۇحتار قۇل- مۇحاممەد پرەزيدەنتكە پارتيا جۇمىسىنىڭ جاڭا فورماتى جونىندە باياندادى
دەپ حابارلادى اقوردانىڭ باسپا ءسوز قىزمەتى.
مەملەكەت باسشىسى كەزدەسۋدە پارتيانىڭ 2016 -جىلعى قىزمەتىنىڭ قورىتىندىلارى جونىندەگى ەسەپتى تىڭداپ، الداعى كەزەڭگە ارنالعان جۇمىس جوسپارلارىمەن تانىستى.
نۇرسۇلتان نازاربايەۆقا جالپى ۇلتتىق كۇن تارتىبىندەگى ماڭىزدى اسپەكتىلەردى ىسكە اسىرۋ شارالارى، سونداي- اق ەل دامۋىنىڭ باستى باعىتتارى جونىندە جۇرتشىلىقتى حاباردار ەتۋ ماسەلەلەرى تۋرالى باياندالدى.
م. قۇل- مۇحاممەدتىڭ مالىمەتى بويىنشا، 2015 - جىلمەن سالىستىرعاندا پارتيا قۇرىلىمدارىنا ارىز- شاعىممەن جۇگىنگەن ازاماتتار سانى 30 پايىزعا ارتقان. 2016 -جىلى 283 مىڭنان استام ءوتىنىش كەلىپ تۇسكەن، قازىر ونىڭ 92 پايىزى وڭ شەشىمىن تاپتى. سونداي- اق، ەلباسىعا پارتيا وكىلدەرىنىڭ وڭىرلەردەگى جۇرتشىلىقپەن كەزدەسۋلەرىنىڭ قورىتىندىلارى جانە كۇندەلىكتى قىزمەت بارىسىندا قولدانىلاتىن پارتيا جۇمىسىنىڭ جاڭا فورماتى جونىندە مالىمەت بەرىلدى.
