مينيستر مەشىتكە اياق كيىممەن كىرگەنىن مويىنداماي قويدى
بۇل تۋرالى 31- ارنا حابارلايدى.
نۇرلان ەرمەكبايەۆ سول سەبەپتى مۇنداي اقپاراتتاردى قۇلاعىما ىلمەيمىن دەيدى.
«ول - جالعان اقپارات! مەن وعان ەشقانداي دا تۇسىنىكتەمە بەرگىم دە كەلمەيدى. جالعان سوزدەرگە تۇسىنىكتەمە بەرمەيمىن مەن. مەن ونداي سۋرەتتەردى كورگەن جوقپىن. ونداي ماقالانى نەمەسە كومەنتاريدى وقىعان دا جوقپىن. وعان ۋاقىتىم جوق»، - دەدى مينيستر ەرمەكبايەۆ.
وسىلايشا مينيستر قانداي اياق كيىم كيگەنىن ناقتىلاعىسى كەلمەدى. داۋ - وسى سۋرەتتەن باستالعان- دى.
ءبىر قاراعاندا ءمۇفتي باستاعان ءدىني قىزمەتكەرلەرمەن بىرگە جۇرگەن ءسات بەينەلەنگەن سياقتى. الايدا، جەلى قولدانۋشىلارى ءمينيستردىڭ اياق كيىمىن شەشپەگەنىن ايتىپ، جارىسا جازىپ جاتتى. بىرەۋلەرى، قاسىنداعى كىسىلەردىكىندەي ارنايى مەشىت ىشىندە كيەتىن كەبىس دەپ اراشا تۇسپەك بولدى. شەنەۋنىكتى سىناۋشىلار بولسا، ونداي كەبىستەردىڭ ارتقى جاعى جوق بولعاندىقتان، اياعى كوتەرىلگەندە تابانى سالبىراپ تۇرۋى كەرەك ەدى دەگەن ۋاجدەرىن العا تارتتى.
