وتاندىق جۇلدىزدىڭ جۇرەگىن جاۋلاعان ميلليونەردىڭ قىزى تۋرالى نە بىلەمىز - فوتو

استانا. قازاقپارات - «ال داۆاي» توبى ءانشىسىنىڭ تاڭداۋى تۇسكەن سۇلۋ انەلدىڭ اتى-ءجونى ەل اۋزىندا بۇرىننان ءجۇر.

باتالوۆتار ءوز ىسىندە جەتىستىككە جەتكەن ادامدار رەتىندە تانىمال دەپ حابارلايدى NUR. KZ.

انەلدىڭ اتاسى - انۋار قاسىم ۇلى ءماجىلىستىڭ بۇرىنعى دەپۋتاتى، ال اجەسى ەلەونورا باتالوۆا «الماتى كىتاپ باسپاسى» ديرەكتورلار كەڭەسىنىڭ ءتورايىمى. اكەسى، بەلگىلى كاسىپكەر رايىمبەك باتالوۆ ءوزىنىڭ بيزنەس جوبالارىمەن تانىمال. رايىمبەك باتالوۆ ءبىرىنشى جارى گۇلميرا باتالوۆامەن انەل 13 كە تولعاندا ايىرىلىسىپ كەتكەن.

انەل باۋىرى ءانۋار ەكەۋى ەۋروپادا ءبىلىم العان.

«10- سىنىپتان باستاپ شۆەيتساريادا وقىدىم، سول جاقتا ۋنيۆەرسيتەت ءبىتىردىم. سودان كەيىن جارتى جىل بريتاندىق باسپاحانا Macmillan دا تاجىريبە جيناقتادىم»، - دەيدى ءوزى تۋرالى انەل رەسپۋبليكالىق جۋرنالداردىڭ بىرىنە بەرگەن سۇحباتىندا.

ەستەرىڭىزگە سالا كەتەيىك، «ال داۆاي» توبىنىڭ ءانشىسى شوقان مارات ۇلى ەلىمىزدەگى ەڭ باي كاسىپكەرلەردىڭ ءبىرى رايىمبەك باتالوۆتىڭ قىزىنا ۇيلەنۋ تۋرالى ۇسىنىس جاسادى.

رايىمبەك باتالوۆ الماتى حايۋاناتتار باعىن دامىتۋ قورىنىڭ قامقورلىق كەڭەسىنىڭ باسشىسى، سونىمەن بىرگە Raimbek حولدينگىنىڭ ديرەكتورلار كەڭەسىنىڭ ءتوراعاسى. بۇدان بولەك، انەلدىڭ اكەسى Forbes جۋرنالىنىڭ قازاقستاندىق نۇسقاسىنداعى ەڭ ۇزدىك 50 بيزنەسمەنى قاتارىنا ەنگەن.