قازاقستان مەن مولدوۆا پرەزيدەنتتەرى ىنتىماقتاستىق ماسەلەلەرىن تالقىلادى
جوعارى ەۋرازيالىق ەكونوميكالىق كەڭەس وتىرىسىنا قاتىسۋ بارىسىندا نۇرسۇلتان نازاربايەۆ مولدوۆا پرەزيدەنتى ي. دودونمەن كەزدەستى.
مەملەكەتتەر باسشىلارى اڭگىمەلەسۋ كەزىندە قازاقستان مەن مولدوۆا اراسىنداعى ىنتىماقتاستىقتىڭ پەرسپەكتيۆالى باعىتتارىن، سونداي- اق ەۋرازيالىق ەكونوميكالىق وداق اياسىنداعى ءوزارا ءىس- قيمىل ماسەلەلەرىن تالقىلادى. ساۋدا- ەكونوميكالىق جانە مادەني- گۋمانيتارلىق سالالار ەكىجاقتى ىنتىماقتاستىقتىڭ باسىمدىعى بار باعىتتارى رەتىندە اتاپ ءوتىلدى. بۇعان قوسا، قازاقستان پرەزيدەنتى ي. دودوندى مولدوۆا رەسپۋبليكاسىنىڭ ە ا ە و جانىنداعى باقىلاۋشى مەملەكەت مارتەبەسىن الۋىمەن قۇتتىقتاپ، بۇل جاۋاپتى قىزمەت بارىسىندا تابىستى جۇمىس جۇرگىزۋىنە تىلەكتەستىك ءبىلدىردى.
مولدوۆا كوشباسشىسى دا نۇرسۇلتان نازاربايەۆقا ە ا ە و- داعى باقىلاۋشى مارتەبەسىن الۋ ماسەلەسىنە قاتىستى قولداۋ بىلدىرگەنى ءۇشىن العىس ايتتى. كەزدەسۋگە مولدوۆا جاعى باستاماشى بولدى.
