پۋتين: ترامپ كەلگەلى بەرى ا ق ش- پەن قارىم- قاتىناس ناشارلادى

پۋتيننىڭ بۇل تۋرالى تەلەارناعا بەرگەن سۇحباتى كرەملدىڭ رەسمي سايتىندا 12 - ساۋىردە، ا ق ش مەملەكەتتىك حاتشىسى رەكس تيللەرسون ماسكەۋدە رەسەي سىرتقى ىستەر ءمينيسترى سەرگەي لاۆروۆپەن كەزدەسكەن كۇنى جاريالاندى.

پۋتين رەسەي- امەريكا قارىم- قاتىناسى ترامپ قىزمەتىنە كىرىسكەننەن بەرى جاقساردى ما دەگەن سۇراققا «سەنىم دەڭگەيى قالىپتى دەڭگەيدە، اسىرەسە اسكەري دەڭگەيدە دەۋگە بولادى، ول جاقسارعان جوق، كەرىسىنشە ناشارلادى» دەپ جاۋاپ بەردى.

پۋتين رەسەيدىڭ سيريا پرەزيدەنتى باشار اساد ۇكىمەتى 4 - ساۋىردە بەيبىت تۇرعىندارعا قارسى حيميالىق قارۋ قولدانىلىپ جاسالعان شابۋىلعا جاۋاپتى ەمەس دەگەن ۇستانىمىن قايتالادى. ول رەسەي ۋلى حيميالىق زات سيريا ارمياسى كوتەرىلىسشىلەردىڭ حيميالىق قارۋ جاسايتىن سەحتارىن بومبالاعاندا تارالۋى مۇمكىن، نەمەسە شابۋىلدى حيميالىق قارۋمەن شابۋىل جاسالعانداي ەتىپ كورسەتىلگەن بولۋى مۇمكىن دەپ بولجايتىنىن ايتتى.

ا ق ش پەن باسقا دا ەلدەر بۇل بولجامداردى «شىندىققا جاناسپايدى» دەپ جوققا شىعارادى.

http://www.azattyq.org