نۇرسۇلتان نازاربايەۆ ادىلەت ءمينيسترى مارات بەكەتايەۆتى قابىلدادى
دەپ حابارلايدى اقوردانىڭ باسپا ءسوز قىزمەتى.
قازاقستان پرەزيدەنتىنە زاڭ جوباسىن جاساۋ جۇمىستارى جوسپارىنىڭ ورىندالۋى جونىندە مالىمەت بەرىلدى. بۇل رەتتە ەل پارلامەنتىنىڭ قاراۋىنا 18 زاڭ جوباسى ەنگىزىلگەن. م. بەكەتايەۆتىڭ مالىمەتى بويىنشا، بيىلعى ەكىنشى توقساننان باستاپ 28 زاڭ جوباسىن ۇسىنۋ جوسپارلانۋدا.
ەلباسى مەملەكەتتىك ورگان قىزمەتىنىڭ ناتيجەلەرىنە وڭ باعا بەردى. وسى ورايدا نۇرسۇلتان نازاربايەۆ ادىلەت مينيسترلىگىنىڭ الدىندا تۇرعان، ۇلتتىق زاڭنامانى قالىپتاستىرۋعا بەلسەنە اتسالىسۋ، زاڭنامالىق جانە وزگە دە نورماتيۆتىك قۇقىقتىق اكتىلەرگە قۇقىقتىق ساراپتاما مەن تالداۋ جۇرگىزۋ، ەلىمىزدىڭ حالىقارالىق ارەناداعى قىزمەتىن قۇقىقتىق تۇرعىدان قامتاماسىز ەتۋ جانە زياتكەرلىك مەنشىك قۇقىعىن قورعاۋ سياقتى ءبىرقاتار ماڭىزدى مىندەتتەردى ايقىندادى.
ادىلەت ءمينيسترى مەملەكەت باسشىسىنا زاڭ شىعارۋ جانە ۇيلەستىرۋ جۇمىسى، اشىق فورماتتاعى زاڭ شىعارۋ جۇمىستارى جونىندەگى ۆەدومستۆوارالىق كوميسسيا قىزمەتى تۋرالى باياندادى. اتاپ ايتقاندا، بۇل ۆەدومستۆو ارالىق كوميسسيا جۇمىسىنىڭ ۇدەرىسىن جۋرناليستەرگە ونلاين رەجىمىندە باقىلاۋعا، سونداي- اق وتىرىستاردىڭ قورىتىندىسى بويىنشا ب ا ق ءۇشىن بريفينگ ۇيىمداستىرۋعا مۇمكىندىك بەرەدى. كەزدەسۋ قورىتىندىسى بويىنشا قازاقستان پرەزيدەنتى ءبىرقاتار ناقتى تاپسىرما بەردى.
