يندونەزيا بيلىگى ەل استاناسىن اۋىستىرماق

استاناعا لايىق- اۋ دەگەن بىرنەشە قالالار قاراستىرىلۋدا. سونىڭ ءبىرى ورتالىق كاليمانتان پروۆينتسياسىندا ورنالاسقان پالانكاراايا قالاسى. نازارعا ىلىككەن قالالاردىڭ ءبارى دجاكارتا قالاسى ورنالاسقان ياۆا ارالىنان تىس جەردە. ناقتى شەشىم جىل سوڭىنا دەيىن قابىلدانباق.

ەل استاناسىن اۋىستىرۋ ماسەلەسىن 1945-1967 - جىلدارى پرەزيدەنت بولعان سۋكارنو دا كوتەرگەن.

استانانى اۋىستىرۋعا ەڭ باستى سەبەپ حالىقتىڭ كوپتىگى بولىپ وتىر. قالاداعى كەپتەلىستەن كولىك جۇرگىسىز. ياۆا ارالى يندونەزيا اۋماعىنىڭ 7 پايىزىن قۇرايدى. ال مۇندا ەلدەگى 245 ميلليون حالىقتىڭ 60 پايىزى تۇرادى.

ەكىنشى ءبىر سەبەپ دجاكارتانىڭ جاعالاۋدا ورنالاسۋى. ماۋسىمدىق جاۋىن- شاشىن كەزىندە سۋ تاسقىنىنان زارداپ شەگەدى. سونداي- اق قازىرگى استانا سەيسميكالىق قاۋپى جوعارى جەردە تۇر.