تۇركيا سيريامەن اراداعى شەكاراعا بەتون قابىرعا تۇرعىزدى

 بۇل تۋرالى ۆەدومستۆو وكىلدەرى ءوزىنىڭ Twitter- دەگى پاراقشاسىندا مالىمدەدى.

 «شەكارانىڭ فيزيكالىق قاۋىپسىزدىك جۇيەسى اياسىندا تۇرعىن ءۇي قۇرىلىسى جونىندەگى مەملەكەتتىك باسقارمامەن بىرلەسىپ جۇرگىزىلىپ جاتقان سيريامەن شەكاراداعى 556 شاقىرىمدىق بەتون قابىرعانىڭ قۇرىلىسى اياقتالدى»، - دەپ حابارلادى مينيسترلىك.

وتكەن جىلدىڭ سوڭىندا قورعانىس ءمينيسترى فيكري ىشىك 2017 -جىلدىڭ ورتا تۇسىندا قابىرعا قۇرىلىسى تولىقتاي اياقتالاتىنىن اتاپ وتكەن ەدى. سيريالىق شەكارادا بارلىعى 825 شاقىرىم بەتون قابىرعا سالۋ جوسپارلانعان، دەپ حابارلايدى ت ا س س.

 اتالمىش شەكارالىق بوگەتتە - سالماعى 7 توننالىق، ەنى 2 جانە بيىكتىگى 3 مەتر بولاتىن تىكەندى سىمدارمەن قورشالىپ، بەتون بلوكتاردان تۇرعىزىلعان. قابىرعانىڭ ءاربىر 300 مەترىندە بارلىق زاماناۋي تەحنيكالىق باقىلاۋ قۇرىلعىلارىمەن جابدىقتالعان مۇنارالار تۇرعىزىلادى. سونداي- اق، مۇنارالاردا اۆتوماتتى پۋلەمەتتەر مەن زاڭبۇزۋشىلارعا داۋىستاپ حابارلايتىن جۇيە ورناتىلعان. بۇل قابىرعا سيريالىق تەرروريستەر مەن كونترابانداشىلاردىڭ شەكارانى زاڭسىز اسىپ وتۋىنە قارسى سالىنىپ وتىر.