ۇلكەن جەتىلىك رەسەي مەن سيرياعا جاڭا سانكسيالار سالۋ تۋرالى كەلىسىمگە كەلە المادى

 سەبەبى تاراپتار سيرياداعى حيميالىق شابۋىلعا قاتىستى تەرگەۋدىڭ قورىتىندىسىن كۇتە تۇرۋدى قۇپ كورگەن.

 ايتا كەتەيىك، وتكەن اپتادا سيريانىڭ يدليب پروۆينتسياسىنداعى حان- شەيحۋن قالاسىندا حيميالىق قارۋ قولدانىلىپ، بەيبىت تۇرعىندار قازا تاپقان بولاتىن. وسىدان كەيىن ا ق ش بۇل شابۋىل ۇكىمەت اسكەرىنىڭ ءىسى دەپ، جەرورتا تەڭىزىندەگى كەمەلەرى ارقىلى شايراتتاعى اۋە بازاسىن بومبالاعان. ارتىنشا ا ق ش پەن كەيبىر باتىس ەلدەرى رەسەيدىڭ باشار اساد بيلىگىن قولداۋىنا قارسى سانكسيا سالۋدى ۇسىنعان.

www.24.kz