الەمدەگى ءولىم جازاسى سوڭعى ءبىر جىلدا كۇرت تومەندەدى
استانا. قازاقپارات - 2016 -جىلى الەمدە ءولىم جازاسى 2015 -جىلمەن سالىستىرعاندا %37 عا تومەندەدى، دەپ حابارلادى Amnesty International حالىقارالىق قۇقىق قورعاۋ ۇيىمى.
وتكەن جىلى 1032 ءولىم جازاسى ۇكىمى ورىندالسا، ودان ءبىر جىل بۇرىن 1634 ادام ءولىم جازاسىنا كەسىلگەن.
ءولىم جازاسى ءبىرىنشى كەزەكتە يران مەن پاكىستاندا تومەندەگەن. ەسەپتە قىتاي ەسكەرىلمەدى، سەبەبى ول ەلدەگى ءولىم جازاسى سانى تۋرالى ناقتى دەرەك جوق. ق ح ر- دا باسقا ەلدەرگە قاراعاندا كوپ ادام ءولىم جازاسىنا كەسىلگەن دەپ بولجانادى.
العاش رەت 2006 -جىلدان باستاپ ءولىم جازاسىن ازايتقان ەلدەردىڭ بەستىگىنە ا ق ش ءتۇستى. قازىر ءولىم جازاسىن كوپ پايدالاناتىن ەلدەر قىتاي، يران (567)، ساۋد ارابياسى (154)، يراك (88) جانە پاكىستان (87).
