قاراعاندىدا سوتتالعان ايەل جۇكتى بولىپ، تۇرمە باسشىلىعى جاۋاپقا تارتىلدى
قاراعاندى. قازاقپارات - قاراعاندىدا سوتتالۋشى ايەلدىڭ جۇكتى ەكەنى انىقتالىپ، تەرگەۋ وقشاۋلاعىشى باسشىلىعى قاتاڭ سوگىس تۇرىندە تارتىپتىك جاۋاپكەرشىلىككە تارتىلدى،
دەپ حابارلايدى «قازاقپارات» ح ا ا ءتىلشىسى.
«وقشاۋلاعىشتىڭ باسشىلىعى مەن وزگە دە جاۋاپتى تۇلعالارىنا تارتىپتىك جاۋاپكەرشىلىكتىڭ ەڭ قاتاڭ ءتۇرى - سوگىس جانە قاتاڭ سوگىس جاريالاندى»، - دەپ حابارلادى ق ا ج دەپارتامەنتىنىڭ باسپا ءسوز قىزمەتى.
تەرگەۋ وقشاۋلاعىشىنىڭ جەدەل ۋاكىلى جۇمىستان شىعارىلدى. ول قىلمىستىق ءىس بويىنشا سوتتالۋشى رەتىندە سوت الدىندا باردى. ول وقشاۋلاعىشتاعى ايەلدەرگە ەرلەر بولىمىندەگى وزگە سوتتالۋشىلارمەن جاقىن قارىم- قاتىناستا بولۋىنا رۇقسات بەرەتىن جاعداي جاسادى دەپ ايىپتالۋدا.
تەرگەۋ نۇسقاسى بويىنشا، وقشاۋلاعىش قىزمەتكەرى ەكى سوتتالۋشىنىڭ كەزدەسۋىنە جاعداي جاساعان. ناتيجەسىندە ايەل جۇكتى بولىپ قالعان، ءبىراق دەنساۋلىعىنا بايلانىستى جاساندى تۇسىك جاساتقان. سوتتالۋشى ايەل كۇزەتشىنىڭ ايداۋىمەن اۋرۋحانالاردىڭ بىرىندەگى گينەكولوگيا بولىمىنە جەتكىزىلدى جانە جۇكتىلىكتى توقتاتتى.
