وڭتۇستىك كورەيا ءبىر توپ قىرعىزدى سوتتاعالى جاتىر

بۇل تۋرالى قىرعىزستاننىڭ وڭتۇستىك كورەياداعى كونسۋلدىعىنا سىلتەمە جاساپ «ورتالىق ازيا حابار قىزمەتى» حابارلادى. «ولار جالعان قۇجات جاساتىپ، اتا- اجەسىن كارىس دەپ كورسەتكەن. مۇنداي ۆيزالاردى ەتنيكالىق كارىستەر عانا الادى»، - دەدى قىرعىزستاننىڭ وڭتۇستىك كورەياداعى كونسۋلى نۇرزات ساياقباي قىزى.

كەنسانگ نامدو پروۆينتسياسى چحانۆون قالاسىنىڭ وكرۋگتىق سوتى ءتورت قىرعىز ازاماتىنا قاتىستى تۇپكىلىكتى شەشىمىن 19 -ساۋىردە شىعارادى. نۇرزات ساياقباي قىزىنىڭ ايتۋىنشا، وڭتۇستىك كورەياعا 2015 -جىلى كەلگەن كۇدىكتىلەر ۆيزا تەكسەرۋ كەزىندە ۇستالعان. الدىن الا مالىمەت بويىنشا، قىرعىزداردى جەر اۋدارۋى مۇمكىن. بۇعان دەيىن جيىرما شاقتى قىرعىز ەتنيكالىق كارىستەردىڭ ۆيزاسىن الۋ ءۇشىن ەسىمدەرىن وزگەرتكەنى حابارلانعان ەدى. ولاردىڭ ءبارى الاياقتارعا الداندىق دەپ وتىر.

http://qazaqtimes.com