قاسىمبەك «باتىس ەۋروپا- باتىس قىتاي» كولىك دالىزىندەگى كەمشىلىكتەردى اتادى

استانا. قازاقپارات - ق ر ينۆەستيتسيالار جانە دامۋ ءمينيسترى جەڭىس قاسىمبەك «باتىس ەۋروپا- باتىس قىتاي» حالىقارالىق كولىك ءدالىزىن سالۋ كەزىندەگى انىقتالعان كەمشىلىكتەردى ايتىپ بەردى،

 دەپ حابارلايدى قازاقپارات.

«توسەلگەن جول ۋچاسكەلەرىندە انىقتالعان كەمشىلىكتەر بويىنشا كەيىنگە ۇلگى بولارلىقتاي 3-4 وقيعا ورىن الدى. ونىڭ ىشىندە «باتىس ەۋروپا- باتىس قىتاي» دالىزىندە ءبىر جاعداي جامبىل وبلىسىندا، ال ەكىنشىسى وڭتۇستىك قازاقستان وبلىسىندا انىقتالدى»، - دەپ توقتالدى مينيستر ماجىلىستەگى ۇكىمەت ساعاتى باراسىندا.

ونىڭ اتاپ وتۋىنشە، جامبىل وبلىسىندا جول ۋچاسكەسى بەتكى قاباتىنىڭ قابىرشاقتانۋى بايقالدى.

«ال ەكىنشىسىندە كورەيلىك كومپانيانىڭ ماماندارى وزدەرى جولداعى كەمشىلىكتى انىقتادى. وسى ورايدا بەتوننىڭ استىنداعى ارماتۋرانىڭ دۇرىس قويىلماعاندىعى بەلگىلى بولدى. كومپانيا ءوز تاراپىنان بۇل كەمشىلىكتەردى تۇزەتتى. جالپى، وسى كەلىسىمشارتتار بويىنشا كەپىلدەمەلىك مەرزىم بار، ياعني حالىقارالىق شارتتار تۇرعىسىندا 2 جىل ەسكەرىلگەن. ەگەر دە ەكى جىلدىڭ ىشىندە جولدا اقاۋلار بايقالسا، مەردىگەر كومپانيا ءوزىنىڭ ەسەبىنەن جولدى قالپىنا كەلتىرۋى ءتيىس. ول ءۇشىن ءبىز اتالعان مەرزىمدە شارتتىڭ قۇنىنان 5 پايىزدىق بانكتىك كەپىلدەمەنى ساقتاپ تۇرامىز. بۇل ايتارلىقتاي قاتاڭ شارا جانە وسى تاجىريبەنى حالىقارالىق قارجىلىق ينستيتۋتتار ۇسىنعان بولاتىن»، - دەدى ۆەدومستۆو باسشىسى.

 اۆتور: رۋسلان عابباسوۆ