ەكى مىڭنان استام وڭتۇستىك قازاقستاندىق ەلىمىزدىڭ ورتالىعى مەن سولتۇستىگىنە قونىس اۋدارعىسى كەلەدى
بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ءمالىم ەتتى، دەپ حابارلايدى قازاقپارات.
«وڭتۇستىك قازاقستان وبلىسى مەن 4 ءوڭىر اراسىندا 672 وتباسىنىڭ قونىستانۋى تۋرالى ءوڭىرارالىق مەموراندۋمعا قول قويىلدى. جالپى، 2 مىڭ ادام ۇسىنىلعان جۇمىس ورنىنا ورنالاسۋ ءۇشىن سولتۇستىك جانە ورتالىق وڭىرلەرگە قونىس اۋدارۋعا ءوز ەرىكتەرىمەن نيەت تانىتىپ وتىر»، - دەدى تامارا دۇيسەنوۆا.
ونىڭ مالىمەتتەرىنشە، مىنا وڭىرلەرگە قونىس اۋدارۋعا بولادى: اقمولا، اتىراۋ، شىعىس قازاقستان، باتىس قازاقستان، قوستاناي، پاۆلودار جانە سولتۇستىك قازاقستان وبلىستارى. الداعى ءبىرجارىم ايدىڭ ىشىندە ماڭعىستاۋ، جامبىل جانە الماتى وبلىستارىنا قونىس اۋدارۋ مۇمكىنشىلىكتەرى قاراستىرىلاتىن بولادى.
«ازاماتتاردىڭ ەڭبەك ۇتقىرلىعىن ارتتىرۋ ماقساتىندا ۇكىمەت قاۋلىسىمەن ازاماتتاردىڭ كوشەتىن 4 ءوڭىرى مەن كوشىپ كەلۋگە بولاتىن 7 ءوڭىرى انىقتالدى. اعىمداعى جىلى ورالمانداردى قوسا العانداعى ىشكى كوش- قون كۆوتاسى 2,7 مىڭ ادامعا بەكىتىلگەن. كوشىپ كەلەتىن وڭىرلەردىڭ جۇمىس بەرۋشىلەرىنىڭ قاتىسۋىمەن بوس جۇمىس ورىندارىنىڭ ءوڭىرارالىق جارمەڭكەسىن ۇيىمداستىرۋ جوسپارلانىپ وتىر»، - دەدى مينيستر.
اۆتور: مارلان جيەمباي
