قاسىم- جومارت توقايەۆ ەگيپەتتەگى تەراكتىنى ايىپتادى

استانا. قازاقپارات - ق ر پارلامەنتى سەناتىنىڭ ءتوراعاسى، الەمدىك جانە ءداستۇرلى دىندەر باسشىلارى سەزى حاتشىلىعىنىڭ باسشىسى قاسىم-جومارت توقايەۆ ءوز جازباسىندا ەگيپەتتەگى شىركەۋدە بولعان تەراكتىنى ايىپتادى، دەپ حابارلايدى «قازاقپارات» ح ا ا ءتىلشىسى.

«الەمدىك جانە ءداستۇرلى دىندەر باسشىلارى سەزى حاتشىلىعىنىڭ باسشىسى رەتىندە ەگيپەتتەگى حريستيان شىركەۋىندە بولعان لاڭكەستىكتى ايىپتاپ، قۇرباندارعا كوڭىل ايتامىن»، - دەپ جازدى ول تۆيتتەردە.

ەسكە سالا كەتەيىك، ەگيپەتتىڭ تانتا قالاسىنداعى (دەلتانىڭ استاناسى سانالاتىن ءنىلدىڭ ورتالىق بولىگىندەگى ەل-گاربيا پروۆينتسياسىنىڭ اكىمشىلىك ورتالىعى) شىركەۋدە بولعان جارىلىس سالدارىنان 21 ادام قازا تاۋىپ، 40 ادام جاراقات الدى. سونداي-اق، پوليتسيا ۋچاسكەسىنىڭ ماڭىندا ەكىنشى جارىلىس بولعانى تۋرالى حابارلاندى.

سونىمەن قاتار، ەگيپەتتىڭ الەكساندريا قالاسىنداعى كوپتىق پراۆوسلاۆيالىق اۋليە مارك سوبورىندا جارىلىس بولدى. 16 ادام اجال قۇشىپ، 41 ادام زارداپ شەككەن.