ستوكگولمدەگى لاڭكەستىك ارەكەت دايش-تىڭ تاپسىرىسىمەن جاسالعان

استانا. قازاقپارات - شۆەتسيانىڭ استاناسىندا بولعان تەراكت ءىسى بويىنشا تۇتقىندالعان وزبەكستاندىق راحمات اكيلوۆ كرونوبەرگ ۋاقىتشا قاماۋ وقشاۋلاعىشىنداعى (كۋنگسحولمەن اۋدانى) تەرگەۋ بارىسىندا ءوز كىناسىن تولىقتاي مويىندادى.

بۇل تۋرالى ت ا س س Aftonbladet گازەتىنە سىلتەمە جاساپ حابارلادى.

تەرگەۋ بارىسىندا تۇتقىندالۋشىنىڭ «يسلام مەملەكەتى» تەرروريستىك ۇيىمىنىڭ جاقتاسى جانە مۇسىلمان ەكەندىگى انىقتالدى. «سيرياداعى بومبالاۋ توقتاتىلۋى كەرەك»، - دەپ مالىمدەدى ول، تەراكتىنى وتكىزۋ تۋرالى بۇيرىقتى اتالمىش ەلدەگى ەكسترەميستەردەن العانىن ايتا كەلە.

باسىلىم دەرەككوزىنىڭ ايتۋىنشا، اكيلوۆ ستوكگولمدە «اداسۋشىلاردى باسىپ وتكەنىن» مالىمدەگەن.

بۇرىن حابارلانعانداي، 7- ءساۋىر كۇنى Spendrups كومپانياسىنا تيەسىلى ايداپ اكەتىلگەن جۇك كولىگىمەن بەلگىسىز بىرەۋ ستوكگولم ورتالىعىنداعى دروتتنينگگاتان كوشەسىندە 550 مەتر جول ءجۇرىپ، ادامداردى باسىپ وتكەن.

پوليتسيانىڭ دەرەگى بويىنشا، 15 ادام جاراقات الىپ، تورتەۋى قازا تاپقان. پروكۋراتۋرا تەراكت ءىسى بويىنشا ەكى ادامدى تۇتقىندادى.