استانادا العاش رەت قۇرىلىسى بىتپەگەن نىسانداردىڭ جارمەڭكەسى وتەدى

 استانا. قازاقپارات - 19 ساۋىردە ساعات 15:00 دە ەلوردا اكىمدىگى قالالىق پروكۋراتۋرامەن بىرلەسىپ قۇرىلىسى بىتپەگەن نىسانداردىڭ ينۆەستورلارعا باعىتتالعان جارمەڭكەسىن وتكىزەدى، دەپ حابارلايدى قالا اكىمدىگىنىڭ سايتى.

شارانىڭ ماقساتى - استانا قالاسىندا قۇرىلىسى توقتاپ قالعان پروبلەمالىق نىسانداردى سالىپ ءبىتىرۋ.

جارمەڭكەدە ۇسىنىلاتىن نىساندارعا سەگىز تۇرعىن ءۇي كەشەنى جاتادى:

1. «ارابي-2» ت ك - ج. تارحان جانە ا. جۇبانوۆ كوشەلەرىنىڭ قيىلىسى؛

2. «سكاي سيتي» ت ك، كومسومولسكي تۇرعىن الابى؛

3. قورعالجىن تاس جولى اۋدانىنداعى «العا سامال» ت ك؛

4. «بايتاۋ» ت ك («Black gold development» ج ش س) - ماڭگىلىك ەل داڭعىلى؛

5. سارىارقا جانە اباي داڭعىلدارىنىڭ قيىلىسىندا ورنالاسقان «ستوليچنىي-2» ت ك؛

6. قورعالجىن تاس جولى اۋدانىنداعى ء«ۇمىت بەرەكە» ت ك؛

7. قوسشى كەنتىندە (اقمولا وبلىسىنىڭ سەلينوگراد اۋدانى) ورنالاسقان «ءال باراكات» كومپانياسىنىڭ «جايلاۋ سيتي» تك؛

8. «تابىس قۇرىلتاي» ت ك (قوسشى كەنتى، اقمولا وبلىسىنىڭ سەلينوگراد اۋدانى)؛ جارمەڭكەگە «اتامەكەن» ق ر ۇلتتىق كاسىپكەرلەر پالاتاسىنىڭ وكىلدەرى، ق ر يدم ينۆەستيتسيالار جونىندەگى كوميتەتىنىڭ، ەلىمىزدىڭ بيزنەس قاۋىمداستىعىنىڭ وكىلدەرى، قۇرىلىس ۇيىمدارى قاتىسادى دەپ كۇتىلۋدە.

رەسمي بولىمگە ارنايى جۇرگىزۋشى تارتىلادى. وسى رەتتە جارمەڭكە تۋرالى رەسپۋبليكالىق جانە ايماقتىق بۇقارالىق اقپارات قۇرالدارىندا حابارلاناتىن بولادى.

جارمەڭكەگە دامۋ كەلەشەگى زور قۇرىلىس نىساندارىنا قارجى قۇيۋعا نيەتتى الەۋەتتى ينۆەستورلار شاقىرىلادى.

الەۋەتتى ساتىپ الۋشىلار ءۇشىن ءتولقۇجاتتارى بار نىساندارمەن تانىسۋعا ارنالعان ماتەريالدار دايىندالدى.

جارمەڭكە «استانا باس جوسپارى» عىلىمي-زەرتتەۋ جوبالىق ينستيتۋتى» جاۋاپكەرشىلىگى شەكتەۋلى سەرىكتەستىگىنىڭ اكىمشىلىك عيماراتىندا وتەدى.