07:30, 10 - ءساۋىر 2017 | GMT +5
كوللەكسيونەر تانكىدەن التىن قۇيمالار تاۋىپ الدى
استانا. قازاقپارات - ۇلى بريتانيالىق نيك ميد 30 مىڭ فۋنت ستەرلينگكە كەڭەس وداعى تۇسىندا شىعارىلعان تانكىنى ساتىپ العان، دەپ حابارلايدى بريتاندىق تابلويد The Sun.
ونىڭ كوللەكسياسىندا وسىنداي 150 اسكەري تەحنيكا بار. ول اسكەري كولىكتىڭ ىشىندە وق-ءدارى قالىپ قويماعاندىعىن انىقتاۋ ءۇشىن، تانكىنى تەكسەرىپ بولشەكتەرىن شەشە باستاعان.
جانارماي باگىنىڭ قاقپاعىن اشىپ قاراعاندا ىشىنەن بەس التىن قۇيما تابىلعان. قازىنانىڭ قۇنى باستاپقى باعالاۋ بارىسىندا ەكى ميلليون فۋنت ستەرلينگتەن (770 ميلليون تەڭگە) اسىپ جىعىلادى.
ميد بۇل التىندى 1990-91-جىلدارى پارسى شىعاناعىنداعى سوعىستا يراك اسكەريلەرى كۋۆەيتتى باسىپ العان كەزدە العان دەپ سانايدى. كەيىن تانكى قولعا ءتۇسىپ، ول ۇلى بريتانياعا جەتكىزىلگەن.
