الەمگە ايگىلى «بيگ-بەن» مۇناراسى جاڭعىرتىلىپ جاتىر
جوندەۋ جۇمىستارى 3 جىلعا سوزىلۋى ءتيىس، دەپ جازادى «حابار 24».
جوبا قۇنى 29 ميلليون ستەرلينگ فۋنتتى قۇرايدى. بۇل شامامەن 42 ميلليون ا ق ش دوللارىنا تەڭ.
ايتا كەتكەن ءجون، «بيگ-بەن» لوندوننىڭ ماڭدايعا تۇتىپ، ماقتانىش ەتەر ەرەكشە ورىندارىنىڭ ءبىرى سانالادى. تاريحي نىسان تالايدان بەرى جوندەۋ كورمەگەن ەكەن.
سونىڭ كەسىرىنەن، 2015-جىلدان بەرى مۇنارا ساعاتى قالىپ كەتە بەرەدى ەكەن. سول سەبەپتى ۋاقىت بەلگىسىنىڭ تەتىگىن جوندەپ، مۇنارانىڭ ءوزىن قالپىنا كەلتىرۋ جونىندە شەشىم قابىلدانعان.
«جوندەۋ جۇمىستارىن ءۇش كەزەڭگە بولدىك. الدىمەن ساعاتتىڭ ءوزىن قالپىنا كەلتىرۋمەن اينالىسامىز. ودان كەيىن مۇنارانى جوندەۋ شارالارىن قولعا الماقپىز. سونىمەن قوسا، «بيگ-بەن» مۇناراسىن كوركەيتۋ جۇمىستارىنا دا ەرەكشە ءمان بەرىلگەن. ماسەلەن جاڭا ليفت ورناتىپ، قۋات كوزىن ۇنەمدەۋ ءۇشىن جارىقتاندىرۋ جۇيەسىن الماستىرۋ جوسپاردا بار»، - دەيدى ساۋلەتشى ادام ۆاتروبسكي.
