ازاماتتىعىنان ايىرىلعانداردىڭ قولىنا ءتولقۇجات ورنىنا ارنايى كۋالىك بەرىلەدى

استانا. قازاقپارات - ازاماتتىعىنان ايىرىلعان ادامداردىڭ وتباسى مەن تۋىستارىنىڭ قۇقىقتارى شەكتەلمەيدى. بۇل تۋرالى ادىلەت مينيسترلىگى زاڭناما دەپارتامەنتىنىڭ ديرەكتورى دارحان يگەمبايەۆ حابارلادى.

ونىڭ ايتۋىنشا، مۇنداي تۇلعالاردىڭ ءوزى دە ەلدەن شىعارىلمايدى. زاڭ الدىنداعى جازاسىن وتەگەننەن كەيىن ولار جۇمىسقا ورنالاسىپ، ءتىپتى جەكە كاسىبىن دە اشا الادى. ءبىراق مەملەكەتتىك قىزمەتتە ىستەۋگە رۇقسات جوق.

ازاماتتىعىنان ايىرىلعانداردىڭ قولىنا ءتولقۇجاتتىڭ ورنىنا ارنايى كۋالىك بەرىلەدى ءارى شەتەلگە شىعۋىنا دا بولادى. ايتا كەتەيىك، مۇنداي شارا كامەلەتكە توماعاندارعا قولدانىلمايدى.

دارحان يگەمبايەۆ، ق ر ادىلەت مينيسترلىگى زاڭناما دەپارتامەنتىنىڭ ديرەكتورى:

- ازاماتتىقتان ايىرۋ جازاسى مىندەتتى تۇردە قوسىمشا جازا رەتىندە كوزدەلەدى. ول سوتتىڭ قاراۋىنا سايكەس شەشىلەدى. ياعني ازاماتتىقتان مىندەتتى تۇردە ايىرۋ دەگەن نورما جوق. قىلمىس جاساعان ادامدىڭ ارەكەتىن زەردەلەي وتىرىپ، زارداپ شەككەن ادامداردىڭ جاعدايىن زەردەلەي وتىرىپ، سوت ءوزى شەشەدى.

www.24.kz