17:03, 09 - ءساۋىر 2017 | GMT +5
تەلەجۇرگىزۋشىگە تىكەلەي ەفيردە كۇيەۋىنىڭ ءولىمى تۋرالى حابارلاۋعا تۋرا كەلدى
استانا. قازاقپارات - ءۇندىستاندىق تەلەجۇرگىزۋشى سۋپريت كاۋر ءوز كۇيەۋىنىڭ مەرت بولعانىن تىكەلەي ەفيردە ءبىلدى، دەپ حابارلادى The Times of India.
ءۇندىستاندىق IBC24 تەلەارناسىنىڭ قىزمەتكەرى ءۇش ادام قازا تاۋىپ، ەكى ادام جارالانعان جول- كولىك اپاتى تۋرالى جاڭالىقتى وقىعان.
ارنا ءتىلشىسى وقيعا ورنىنان تىكەلەي ەفيردە اپاتتىڭ ءمان- جايىن بايانداپ، اۆتوكولىك يەسى مەن اپات ورنى جايىندا حابار تاراتقان.
كاۋر ءوز كۇيەۋى تۋرالى ايتىلعانىن تۇسىنەدى، الايدا شىعارىلىمدى سوڭىنا دەيىن جۇرگىزدى. ەفيردەن كەيىن جۇرگىزۋشى تىلشىگە حابارلاسىپ، ءوز كۇيەۋىنىڭ مەرت بولعانىن ەستىگەن. وسىدان كەيىن جانۇشىرعان ايەل تۋىستارىنا حابارلاسا باستاعان. ەرلى- زايىپتىلار ءبىر جىل بۇرىن عانا ۇيلەنگەن، ءبىر قىزدارى بار. كاۋر تەلەارنادا 9 جىلدان بەرى ەڭبەك ەتەدى.
