عالىمدار ەسكى كىتاپتاردىڭ ءيىسى جيناقتالعان كاتالوگ جاسادى

استانا. قازاقپارات -  لوندون ۋنيۆەرسيتەتى كوللەدجىنىڭ ماماندارى وتكەن داۋىردەگى قاعاز كىتاپتاردى ساقتاپ قالۋ ماقساتىندا ەسكى كىتاپتاردىڭ ءيىسى جيناقتالعان كاتالوگ دايىندادى.

ولاردىڭ ايتۋىنشا بۇل مادەني مۇرا بولۋى ءتيىس. زەرتتەۋشىلەر تاريحي كىتاپحاناعا كەلگەن وقىرماندار اراسىندا الەۋمەتتىك ساۋال جۇرگىزگەن. وندا كەلگەندەرگە 1928 -جىلى جارىققا شىققان كىتاپتى يىسكەتۋ ارقىلى، ونىڭ ءيىسىنىڭ قالاي شىعاتىنىن سۇراعان. ولاردىڭ ايتۋىنشا ەسكى كىتاپتاردان شوكولاد، بالىق، ءتۇتىننىڭ ءيىسىن اڭعارۋعا بولادى دەپ حابارلايدى Heritage Science تاريحي جۋرنالى.

زەرتتەۋشىلەر وسى ارقىلى ناقتى كىتاپتاردىڭ كاتالوگىن جاساعان. ساۋالناماعا قاتىسقانداردىڭ 86 پايىزى كىتاپتان ءتۇتىننىڭ ءيىسى، 71 پايىزى 100 جىلدىق تاريحى بار كىتاپتان جەردىڭ ءيىسى شىعادى دەسە، 42 پايىزى ولاردان ۆانيل ءيىسىن اڭعارىپتى. كەلەشەكتە عالىمداردىڭ بۇل جاڭالىعى مۇراجاي زالدارىندا تاجىريبە جۇزىندە پايدالانىلىپ، كەلۋشىلەرگە تاريح سىرىن سەزىنۋگە مۇمكىندىك بەرمەك دەپ جازادى VistaNews.

www.24.kz