ديماش قۇدايبەرگەن ءان بايقاۋدا جالپى ەسەپتە قىتايلىق انشىدەن كەيىن تۇر
دەپ حابارلايدى قازاقپارات ءتىلشىسى.
بۇعان دەيىن حابارلاعانىمىزداي، بايقاۋدىڭ ەكى كەزەڭنەن تۇراتىن فينالىنا 10 ءانشى جولداما العان بولاتىن. جوبانىڭ تالابى بويىنشا ونىنشى بولىپ ساحناعا شىعاتىن ءانشى وزىنەن كەيىنگى توعىزىنشى ءانشىنى بەلگىلەيدى. ونىنشى بولىپ ونەر كورسەتەتىن لين چجيسيۋان ديماشتى توعىزىنشى بولىپ شىعۋعا بەلگىلەدى، ال ديماش سەگىزىنشى انشىگە Lion توبىن تاڭدادى.
ديماش جارتىلاي فينالدا يتالياندىق ءانشى ادريانو چەلەنتانونىڭ «Confessa» انىنە «5-ەلەمەنت» كينوسىنىڭ «The diva dance» - ءتى قوسا شىرقادى.
ايتا كەتەيىك، جارتىلاي فينال انشىلەردىڭ بايقاۋدا سوڭعى رەت جەكە ونەر كورسەتۋى. سونداي- اق، بۇعان دەيىنگىدەي ناقتى رەيتينگ قۇرىلماي، اقتىق سىنعا 8 ءانشى جولداما الادى. شەشۋشى باسەكەدە ءار ءانشى ەلگە تانىمال انشىلەرمەن جۇپتاسىپ ونەر كورسەتىپ، ەكى كەزەڭدەگى ناتيجەسى بويىنشا جەڭىمپاز انىقتالادى. ون كەزەڭ جانە جارتىلاي فينالداعى ناتيجەلەردىڭ قورتىندىسى بويىنشا شياڭگاڭ قالاسىنىڭ تۋماسى لين يلياننىڭ (Sandy Lam) رەيتينگى ورتا ەسەپپەن 2,58 بولىپ ءبىرىنشى ورىندا، ال ديماش 2,73 بولىپ ەكىنشى ورىندا تۇر.
ەسكە سالا كەتەيىك، بايقاۋدىڭ اقتىق باسەكەسىن 15 - ءساۋىر كۇنى وتاندىق «حابار» تەلەارناسىنان تىكەلەي ەفيردەن تاماشالاي الاسىزدار. بۇل كۇنى ديماش قىتايلىق تانىمال ءانشى شاڭ ۆەنجەمەن بىرگە ءان شىرقايدى.
