عالىمدار ادام دەنەسىنەن بەس كەرەكسىز مۇشە تاپتى

استانا. قازاقپارات - عالىمدار زاماناۋي ادام قاجەت ەتپەيتىن مۇشەلەر ءتىزىمىن جاسادى.

بۇل تىزىمگە قۇيىمشاق، سوقىرىشەك، اقىل ءتىس، قۇلاق بۇلشىق ەتتەرى جانە ءۇشىنشى قاباق ەنگەن.

 زەرتتەۋشىلەردىڭ ايتۋىنشا، بۇل ورگاندار ەجەلگى زاماندا ادامداردىڭ ءتىرى قالۋى ءۇشىن قاجەت بولعان، ءبىراق قازىرگى زاماندا ماڭىزىن جويعان. اتاپ ايتقاندا، اقىل ءتىستى بابالارىمىز تالشىقتى تاعامداردى شايناۋ ءۇشىن پايدالانعان. سوقىرىشەك تاعامداردى قورىتقان. قۇلاق بۇلشىق ەتتەرى دىبىستى انىق ەستۋگە مۇمكىندىك بەرسە، قۇيىمشاق بارشا ادامزاتتىڭ «قۇيرىقتى» وتكەن ءومىرىن ەسكە سالادى.