15:29, 08 - ءساۋىر 2017 | GMT +5
ستوكگولمدە ادامداردى تاپتاعان جۇك كولىگىنەن جارىلعىش زات تابىلدى
استانا. قازاقپارات - ستوكگولم پوليتسياسى قالا ورتالىعىندا ادامداردى تاپتاپ وتكەن جۇك كولىگىن تەكسەرىپ، جارىلعىش زات سالىنعان سومكە تاۋىپ الدى، دەپ حابارلادى SVT شۆەدتىك تەلەارناسى.
«جارىلعىش زات سالىنعان سومكە كەشە ستوكگولمدە لاڭكەستىك اكتىگە قولدانىلعان جۇك كولىگىنىڭ ىشىنەن تابىلدى. بۇل تۋرالى پوليتسياداعى دەرەككوزدەر ءمالىم ەتتى»، - دەپ حابارلادى تەلەارنا.
جۇما كۇنى ستوكگولم ورتالىعىنداعى دروتتنينگگاتان كوشەسىندە جوعارى جىلدامدىقتاعى جۇك كولىگى حالىقتى تاپتاپ وتە شىقتى. 550 مەتر جول جۇرگەن كولىك Ahlens ساۋدا ۇيىنە سوقتىعىسقاننان كەيىن عانا توقتاعان. جۇك كولىگى Spendrups كومپانياسىنا تيەسىلى بولعان جانە ونى جۇكتى ءتۇسىرۋ كەزىندە قاسكويلەر ۇرلاپ اكەتكەن. اپات سالدارىنان ءتورت ادام اجال قۇشىپ، 15 ادام ءتۇرلى دەڭگەيدە جاراقات الدى.
