جەلىدە اسا قاۋىپتى جاعدايلارداعى فوتولارىمەن ماقتانعان بلوگەرلەردىڭ قۋلىقتارى اشىلدى - فوتو
جەلى پايدالانۋشىلارى فوتو تۇسىرىلگەن جەرلەردى تاۋىپ، قۇز باسىنداعى جارتاستاردىڭ تۇڭعيىق شىڭىراۋ ۇستىندە ەمەس، ومىرگە قاۋىپ توندىرمەيتىن شوقى ۇستىندە ورنالاسقانىن ايتىپ، پىكىر بولىسۋدە.
فوتولار برازيليانىڭ ءبىر-بىرىنە عاشىق ساياحاتشىلار جۇبى ەكى جىل بويىنا Instagram-اككاۋنتتارىندا جاريالاعان بولاتىن. ولار كەيدە بىرگە، كەيدە بولەك قۇز باسىنداعى جارتاستاردا ەشقانداي ساقتاندىرۋ بەلدىگىنسىز ءىلىنىپ تۇرعان كۇيدە تۇسكەن فوتولارىمەن كوپشىلىكتى تاڭ قالدىرعان ەدى.
الايدا، جەلى پايدالانۋشىلارى بۇل فوتولار برازيليادا تۋريستەرگە كەڭىنەن تانىس ريو-دە-جانەيرو جانىنداعى شوقىدان شىعىپ تۇرعان جارتاستا تۇسىرىلگەنىن بايقاپ قالدى. ءبىر قىزىعى، بۇل جەردە جارتاستان ۇستاپ، اۋەدە سالبىراپ تۇرعان قالىپتا فوتوعا ءتۇسۋ ومىرگە ەشقانداي قاۋىپ توندىرمەيدى، سەبەبى، شوقى باسىنداعى جارتاس جەرگە تىم جاقىن. وسىنىڭ دالەلى رەتىندە جەلىدە اتالعان جەردىڭ تابيعاتىن انىق كورۋگە بولاتىن فوتولار جاريالانا باستادى.
وسىلايشا، عاشىقتار جۇبىنىڭ ەكى جىلداي ۋاقىت بويىنا جەلى پايدالانۋشىلارىن الداپ، فوتولارىنىڭ استىڭعى بولىگىن قىرقىپ، فوتوشوپپەن رەداكسيالاپ كەلگەن قۋلىقتارى اشكەرە بولدى.
ايدار جاناي
