استانا وپەرادا عاجايىپ سيمفونيانىڭ پرەمەراسى بولادى

استانا. قازاقپارات - «استانا وپەرا» سيمفونيالىق وركەسترى فرانسۋزدىق ۇلى كومپوزيتور- رومانتيك گەكتور بەرليوزدىڭ ايگىلى عاجايىپ سيمفونياسىن العاش رەت قازاقستاننىڭ ەڭبەك سىڭىرگەن قايراتكەرى ابزال مۇحيتدينوۆتىڭ جەتەكشىلىگىمەن ۇسىنادى.

كونسەرت 15 -ساۋىردە ۇلكەن زالدا الەمنىڭ ۇزدىك گوبويشىلارىنىڭ ءبىرى دجانفرانكو بورتولاتونىڭ قاتىسۋىمەن (يتاليا) وتەدى، دەپ حابارلايدى «استانا وپەرا» تەاترىنىڭ باسپا ءسوز قىزمەتى.

كەش باعدارلاماسىن ميلانداعى لا سكالا، تۋرين كورولدىك تەاترى جانە ريم وپەراسى تەاترلارىنىڭ ءبىرىنشى گوبويشىسى دجانفرانكو بورتولاتو اشادى. ول وركەستردىڭ سۇيەمەلدەۋىمەن ر. شتراۋستىڭ گوبويعا ارنالعان كونسەرتىن ورىندايدى. ەكىنشى بولىمدە تىڭدارمانعا گ. بەرليوزدىڭ ەڭ تانىمال شىعارمالارىنىڭ ءبىرى - جارقىراعان، جاڭاشىل عاجايىپ سيمفونياسى ۇسىنىلادى. ماەسترو ابزال مۇحيتدينوۆ وسىنشالىقتى جارقىن كورىنىستەر مەن بەينەلەردى وركەستردىڭ كومەگىمەن جەتكىزۋگە بولاتىنىنا وسى، ءمانى جاعىنان تەاترلاندىرىلعان، عاجاپ سيمفونيانى مىسال رەتىندە كەلتىرۋگە بولاتىنىن اتاپ ءوتتى. - بۇل مۋزىكا ادام قيالىن شارىقتاتادى، كوپشىلىك ءۇشىن ول ناعىز جاڭالىق بولماقشى. شىعارما ادەتتەگىدەن تىس نۇسقادا ورىندالادى، - دەپ قوستى ابزال مۇحيتدينوۆ.