ميلليونداعان حۋنداي مەن كيا كولىكتەرىنەن تەحنيكالىق اقاۋلار شىعىپ، كەرى قايتارىلدى

استانا. قازاقپارات - ميلليونداعان Hyundai مەن Kia كولىكتەرى ءوندىرۋشى-زاۋىتقا كەرى قايتارىلۋدا، دەپ حابارلايدى قازاقپارات Reuters اگەنتتىگىنە سىلتەمە جاساپ.

وڭتۇستىك كورەيالىق ەكى اۆتوكومپانيانىڭ سەداندارى مەن كروسسوۆەرلەرىنىڭ قوزعالتقىشتارىنان اقاۋلار تابىلدى. 1,5 ميلليون Hyundai Sonata, Santa Fe, Kia Optima, Sorento جانە Sportage ماركالى جەڭىل كولىكتەر كەرى قايتارىلادى.

وڭتۇستىك كورەيانىڭ كولىك مينيسترلىگىنەن ءمالىم ەتكەندەي، يىندىبىلىك پەن مويىنتىرەكتى ءوندىرۋ بارىسىندا جىبەرىلگەن قاتەلىكتەر سالدارىنان قوزعالتقىشتار ءوشىپ قالىپ، ىستەن شىعۋى مۇمكىن.

بۇل اۆتولاردىڭ كوپ بولىگى ا ق ش- تا ساتىلعان. امەريكادان اقاۋدى تۇزەتۋ ءۇشىن 1,3 ميلليون ماشينا كەرى قايتارىلادى. وڭتۇستىك كورەيادا اقاۋى بار كولىكتەر سانى 171,3 مىڭ اۆتونى قۇرايدى.

ەسكە سالايىق، 2016 -جىلدىڭ قازان ايىندا قاۋىپسىزدىك جاستىقشالارىنداعى كەمشىلىكتەر 6 ميلليون Toyota كولىگىنىڭ كەرى قايتارىلۋىنا سەبەپ بولدى.