تۆيتەر كومپانياسى ا ق ش بيلىگىن سوتقا بەردى
ولار ەلدىڭ ىشكى ىستەر مينيسترلىگى مەن شەكارا قىزمەتىنىڭ الەۋمەتتىك جەلى قولدانۋشىسى تۋرالى جەكە ماعلۇمات بەرۋىن سۇراعان ءوتىنىشىن جوققا شىعارۋدى تالاپ ەتتى. بۇل - «ا ق ش ازاماتتىعى جانە كوشى- قون قىزمەتىنىڭ بالاماسى» دەگەن اتاۋمەن اشىلعان اككاۋنتقا قاتىستى جايت.
بولجام بويىنشا، ونى قازىرگى اكىمشىلىكتىڭ ساياساتىنا قارسى بەلگىسىز بىرەۋلەر جۇرگىزىپ كەلەدى. سونىمەن قاتار پاراقشا يەسى ۇكىمەتتىك مەكەمە قىزمەتكەرى بولۋى مۇمكىن.
ايتا كەتەيىك، ا ق ش پرەزيدەنتى دونالد ترامپتى ۇلىقتاۋ ءراسىمى وتكەننەن كەيىن الەۋمەتتىك جەلىدە كوشى-قون دەمپارتامەنتىن سىنعا العان پاراقشالار پايدا بولدى. وسىعان بايلانىستى ناۋرىز ايىندا بيلىك وكىلدەرى Twitter كومپانياسىنان وسى پاراقشالاردى جۇرگىزىپ وتىرعان ادامدار تۋرالى رەسمي اقپارات سۇراعان.
دەگەنمەن Twitter پىكىرىن انونيمدى تۇردە جاريالاۋعا ا ق ش كونستيتۋتسياسىنداعى ءسوز بوستاندىعى رۇقسات ەتەتىنىن العا تارتىپ، مۇنداي مالىمەت بەرۋدەن باس تارتتى. ءتىپتى مۇنى سوتتا دالەلدەۋگە دايىن.
دەرەككوز: «حابار 24» تەلەارناسى
