08:10, 08 - ءساۋىر 2017 | GMT +5
ءشارىپوۆا رەسەيلىك قارسىلاسىن رينگكە شىقپاي جاتىپ نوكاۋتقا جىبەردى - كەسكىن
استانا. قازاقپارات - قازاقستاندىق بوكسشى فيرۋزا ءشارىپوۆا كاسىپقوي رينگتەگى ءوزىنىڭ بەسىنشى جەكپە-جەگىن رەسەيلىك ۆيكتوريا كوتوۆاعا قارسى وتكىزدى، دەپ حابارلايدى قازاقپارات Sports.kz سايتىنا سىلتەمە جاساپ.
كاسىپقوي بوكس دەبيۋتانتى كوتوۆامەن ايقاس كوپكە سوزىلمادى، ءشارىپوۆا ونى ءبىرىنشى راۋندتىڭ العاشقى مينۋتىندا نوكاۋتقا جىبەردى. وسىلايشا، قازاقستاندىق سپورتشىنىڭ ەنشىسىندە: كاسىپقوي رينگتەگى 5 كەزدەسۋ، ونىڭ تورتەۋى - جەڭىسپەن، بىرەۋى جەڭىلىسپەن اياقتالدى. ايتا كەتەيىك، فيرۋزا ءشارىپوۆا كاسىپقوي بوكسپەن اينالىسىپ جۇرگەن قازاقستاندىق تۇڭعىش قىز. بۇعان دەيىن حابارلاعانىمىزداي، ول WBC الەم چەمپيونى بەلبەۋى ءۇشىن ايقاسىن شىلدە ايىندا استانادا وتكىزۋى مۇمكىن.
اۆتور: ميرا تولەندى قىزى
