اتىراۋ وبلىسىندا «جاسىل ەل» جاساعىنىڭ سانى ارتادى

اتىراۋ. قازاقپارات - اتىراۋ وبلىسىندا الداعى جازدا تەك ستۋدەنتتەردەن ەمەس، سونداي- اق جۇمىسسىز جاستاردان قۇرىلعان «جاسىل ەل» جاساعىنىڭ سانى ارتادى،

دەپ حابارلايدى «قازاقپارات» ح ا ا ءتىلشىسى.

«جاسىل ەلگە» تارتىلاتىن جاستار سانى ءۇش ەسەگە دەيىن ارتادى - 2016 -جىلى 600 ادام بولسا، اعىمداعى جىلى 2 مىڭعا دەيىن جەتەدى. مامىر ايىندا جۇمىسسىز جاستاردان قۇرالعان جاساقتار ءوز جۇمىسىن باستاسا، ماۋسىم ايىنان باستاپ ستۋدەنتتەر جاساعى كەلىپ قوسىلادى. تەك ادامدار سانىن ارتتىرىپ قانا قويماي، ولاردىڭ جالاقىلارىن دا كوبەيتتىك. ەگەر بۇرىن ولاردىڭ ەڭبەكاقىسى 47 مىڭ تەڭگە كولەمىندە بولسا، بيىلعى جىلى سالىقتار مەن الەۋمەتتىك اۋدارىمداردى قوسا ەسەپتەگەندە 60 مىڭ تەڭگە الاتىن بولادى. وبلىس اكىمى باعدارلاماعا قولداۋ كورسەتىپ، جەرگىلىكتى بيۋدجەتتەن ترانسفەرت ارقىلى قارجى كولەمىن ارتتىرۋعا تاپسىرما بەردى. وسىلايشا، 2017 -جىلى اتىراۋ وبلىسىندا «جاسىل ەل» باعدارلاماسى اياسىندا جاستاردى جۇمىسپەن قامتاماسىز ەتۋ ءۇشىن 140 ميلليون تەڭگە ءبولىنىپ، ونىڭ 39-ى - رەسپۋبليكالىق بيۋدجەتتەن، 101 ميلليونى - جەرگىلىكتى بيۋدجەتتەن بەرىلدى»، - دەپ مالىمدەدى اتىراۋ وبلىستىق جاستار ساياساتى ماسەلەلەرى جونىندەگى باسقارما باسشىسى جاسۇلان بيسەمبايەۆ.