ناسا عارىش اگەنتتىگى ساتۋرنعا عارىش اپاراتىن قوندىرۋعا دايىندالىپ جاتىر

 ماماندار بۇل 10 جىلعا سوزىلعان ەكسپەديتسيانىڭ شەشۋشى كەزەڭى دەپ وتىر. ول اتالعان پلانەتانىڭ ۇستىنە 26 - ساۋىردە قوندىرىلادى.

 ءبىراق بۇعان دەيىن Cassini عالامشاردى وراپ تۇرعان ساقينا تارىزدەس اسپان دەنەسىنىڭ جانىنان بىرنەشە رەت ءوتىپ، ونىڭ جىلىن انىقتاپ، قۇرامىن زەرتتەيدى. ال ساقينا مەن عالامشار اراسىنداعى قاشىقتىق شامامەن 2 مىڭ 400 شاقىرىمدى قۇرايدى.

 ايتا كەتەيىك، ساتۋرن كۇن جۇيەسىندەگى ەكىنشى ۇلكەن عالامشار بولىپ سانالادى.

 ليندا سپيكەر، «Cassini» جوباسىنا قاتىسۋشى:

 - ءبىز قازىر ساتۋرندى وراعان ساقينا تارىزدەس اسپان دەنەسىنىڭ 99 پايىزىنىڭ سۋلى مۇزدان تۇراتىنىن بىلەمىز. ءبىراق قالعان 1 پايىزى نەدەن قۇرالعانى بەلگىسىز. مۇمكىن تەمىر نەمەسە باسقا دا ورگانيكالىق قوسپالاردان، ءتىپتى ءبىز ويلاماعان زاتتاردان تۇزەلگەن شىعار.

www.24.kz