قازاقستاندا حيت بولعان «بولايىق بىرگە» ءانى اۋەنىنىڭ شىققانىنا جارتى عاسىر بولعان ەكەن - كەسكىن

 استانا. قازاقپارات - بۇگىندە جۇرتشىلىق اراسىندا جاقسى تانىمال قۋاندىق راحىم مەن البينا شارداروۆانىڭ ورىنداۋىنداعى «بولايىق بىرگە» ءانىنىڭ شىققانىنا ەلۋ جىلعا جۋىقتاعان.

قولداعى دەرەكتەر بويىنشا ول العاش رەت «نارودنىي ارلەكين» (Masxaraboz Milliy ) فيلىمىندە ورىندالاعان. بۇل ءاندى سول كەزدەرى بەحزود نازاروۆ پەن لولا ەلتايەۆا كورەرمەنگە ۇسىنعان.

ال وزبەك ونەرپازدارى - جاسۋربەك جاببوروۆ پەن ديلنوزا اكباروۆا ايتىپ جۇرگەن «ازيزيم» ءانى you tube جەلىسىنە 2015 -جىلى سالىنعان. بىلتىردان باستاپ بۇل ءان «بولايىق بىرگە» اتاۋىمەن قازاق انشىلەرى - قۋاندىق راحىم مەن البينا شارداروۆانىڭ رەپەرتۋارىنا ەنگىزىلگەن. سونداي- اق، جاقىندا ول قىرعىز انشىلەرى نۇرلان ءناسىپ پەن سامارا كارىموۆا دا ورىنداۋىندا جۇرتشىلىققا جول تارتتى.