ەرتىس وڭىرىندە ءبىر توپ عالىم قانسورعىش جاندىكتەردى زەرتتەيدى

استانا. قازاقپارات - ەرتىس وڭىرىندە قانسورعىش جاندىكتەردىڭ تىرشىلىك ەتەتىن ورتاسىن زەرتتەۋگە ءبىر توپ عالىم تارتىلىپ وتىر. بيولوگتار ماسا- شىركەيلەر تاراتاتىن كەسەلدەرى دە انىقتايتىن بولدى.

عىلىمي جۇمىستار ءبىر ايدان كەيىن باستالادى. ماماندار ماسا- شىركەيلەر كوپ شوعىرلاناتىن جەردە سۋلاردان سىنامالار الىپ، ولاردىڭ ءوسىپ- ءونۋ ءۇردىسىن زەرتتەيدى. سونداي- اق، عىلىمي نەگىزدەمەلەر جاسالاتىن بولادى.

جالپى «قانسورعىش جاندىكتەردىڭ دەر- ناسىلدەرىن قاناتتانباي تۇرىپ، جويعان ماڭىزدى»، - دەيدى عالىمدار.

 بيىل وڭدەۋ جۇمىستارىنا 600 ميلليون تەڭگە بولىنگەن. بۇل وتكەن جىلدارمەن سالىستىرعاندا، 4 ەسە ارتىق قارجى. زالالسىزداندىرۋ جۇمىستارى ەرتىس وزەنىنە جاقىن ورنالاسقان 7 اۋداندا جۇرگىزىلەدى.

 ومىربەك ۇسەنوۆ، رەسپۋبليكالىق عىلىمي ورتالىقتىڭ باس مامانى:

 - قاي جاندىك بولماسىن، قانسورعىش، ءوزىنىڭ ءومىرىن ءارى قاراي جالعاستىرۋ ءۇشىن قورەگىن ىزدەيدى. ول بىرەۋگە زيانكەستىك جاسايىن دەمەيدى. سول سەبەپتەن بۇل جەردە ۋاقىت تالاپ ەتەدى. ياعني، دەر كەزىندە وزدەرىنىڭ سانىن ەسەپتەۋ كەرەك، قاي جەردە ورنالاسقاندىعىن جانە ءار سالاداعى بۇل جۇمىسقا قاتىستى ماماندار وزدەرىنىڭ دەر كەزىندەگى كەرەكتى ءىس شارالارىن اتقارا بىلسە، بۇنىڭ تەك سانىن عانا ازايتا الامىز. مۇلدەم جويۋ ول مۇمكىن ەمەس.

www.24.kz