گيتلەردىڭ سۋرەتى تۋرالى تاعى ءبىر شۋ شىقتى

سۋرەتتە نەمىستەردىڭ كوشباسشىسى قولىن كوتەرىپ تۇر.

Kruidvat مالىمدەمەسىندە «بۇل وقيعاعا وكىنىش بىلدىرەتىنىن» جەتكىزدى. سونداي-اق ريتەيلەر جانجال تۋدىرعان كىتاپتىڭ بارلىق داناسىن ساتىلىمنان الىپ تاستاعان.

كىتاپ ءۇندىستاندا شىققان. وندا گيتلەردىڭ سۋرەتى قايدان جۇرگەنى ءالى كۇنگە بەيمالىم بولىپ وتىر.

كىتاپتىڭ ديستريبيۋتەرى بولعان بەلگيالىق Trifora باسپاسىنىڭ وكىلى: «كىتاپتى جاساعاندار بىرنەشە تانىمال ادامدى العان بولۋى مۇمكىن. اراسىنا گيتلەر كىرىپ كەتۋى كادىك. مۇمكىن ونى تانىماي قالعان شىعار» - دەيدى.

كىتاپتا گيتلەردەن بولەك، نەلسون ماندەلانىڭ، البەرت ەينشتەيننىڭ، اۆراام لينكولننىڭ سۋرەتتەرى بار.

ريتەيلەر Kruidvat گيتلەردىڭ سۋرەتى بار كىتاپ تۋرالى اتا- انالاردىڭ ءبىرى الەۋمەتتىك جەلىگە جازعاننان كەيىن ءبىر- اق بىلگەن. كىتاپ ساتىلىم سورەسىندە جارتى- اق كۇن تۇرعان. سودان كەيىن دەرەۋ الىپ تاستاپتى.

ريتەيلەر ساتىپ الۋشىلارعا شىعىنداعان اقشاسىن قايتاراتىنىن جانە گيتلەردىڭ سۋرەتى مۇنداي قايدان جۇرگەنىن انىقتايتىنىن ايتىپ اقتالدى.

دەرەككوز: http://www.bbc.com/russian