اندجەلينا دجولي مەن برەد پيتتىڭ اجىراسۋىنىڭ ەل كۇتپەگەن سەبەبى بەلگىلى بولدى

استانا. قازاقپارات - گولليۆۋد جۇلدىزدارى برەد پيتت پەن اندجەلينا دجوليدىڭ اجىراسۋى ءالى كۇنگە دەيىن فاناتتارعا مازا بەرەر ەمەس.

جۋىردا جۇلدىزدى جۇپتىڭ اجىراسۋىنىڭ جاڭا سەبەپتەرى بەلگىلى بولدى.

بۇل تۋرالى dni.ru جازدى.

ەلدىڭ سوزىنە سۇيەنسەك، اندجەلينا مەن برەدتىڭ اجىراسۋىنا دجوليدىڭ ءىنىسى دجەيمس سەبەپ بولعان.

پيتت پەن دجوليدىڭ اجىراسۋى جايىندا دەرەكتى فيلم تۇسىرگەن رەجيسسەر يان گالپەريننىڭ سوزىنشە، اكتريسانىڭ تۋىسى ولاردىڭ ۇيىنە قونىستانىپ العان.

«دجەيمستىڭ ولاردىڭ وتباسىنا جاقىن بولعانى سونشالىق، ول سولارمەن بىرگە ءومىر ءسۇردى. ول برەدتىڭ تيتىعىنا جەتتى. ەنجيگە تاڭداۋ جاسا دەدى: نە مەن، نە ول» - دەيدى رەجيسسەر.

ەڭ قىزىعى، اندجەلينا مەن ونىڭ ءىنىسىنىڭ اراسىنداعى بايلانىس تۋرالى ەل ءبىرىنشى رەت دۇرلىگىپ وتىرعان جوق. بۇعان دەيىن پاپاراسسي بىرنەشە رەت تۋىستاردىڭ ساحنا سىرتىندا ءسۇيىسىپ تۇرعانىن ءتۇسىرىپ العان.

ال 2000 -جىلى جانكۇيەرلەر اندجەلينا مەن دجەيمستىڭ قىلى كىلەم ۇستىندە قۇمارعا تولى ءسۇيىسۋىنىڭ كۋاسى بولعان، دەپ جازادى Radar Online.

«بولعان وقيعا جايىندا سىبىستار قۇلاعىما كەلىپ جەتتى. دەگەنمەن، مۇنىڭ جارنامالىق امال بولعانىن تۇسىنەمىن، الايدا ەكىنشى جاعىنان ەل ءسۇيىستىڭ تىم شىنايى بولعانىن ايتىپ جاتىر»، - دەگەن ەدى برەد پيتت.

گالپەريننىڭ پىكىرىنشە، «جۇپ برەدتىڭ اگرەسسياشىل قاتىناسىنىڭ كەسىرىنەن اجىراستى» دەگەن بولجام شىندىققا جاناسپايدى.

«فبر پيتتىڭ كىناسىزدىگىن تولىق دالەلدەدى»، - دەپ اتاپ ءوتتى رەجيسسەر.

ياننىڭ سوزىنە قاراعاندا، قازىر دجەيمس پەن اندجەلينا بالالاردى بىرگە تاربيەلەپ وتىر.

ەسكە سالايىق، دجولي 2016 -جىلدىڭ قىركۇيەگىندە اجىراسۋعا ارىز بەرگەن بولاتىن. اكتريسا كۇيەۋىنىڭ ءوز بالاسىنا دورەكىلىك تانىتقانىن ايىرىلىسۋعا سەبەپ قىلعان.