ءۇش دۇركىن وليمپيادا چەمپيونى دوپينگ داۋىنا ىلىكتى

استانا. قازاقپارات - UWW (بىرىككەن كۇرەس الەمى) ۇيىمىنىڭ رەسمي سايتى ەركىن كۇرەستەن وليمپيادانىڭ ءۇش دۇركىن چەمپيونى جانە ەكى دۇركىن الەم چەمپيونى وزبەكستاندىق ارتۋر تايمازوۆتىڭ دوپينگ قولدانعانىن جاريالادى، دەپ حابارلايدى قازاقپارات ءتىلشىسى.

اتالعان مالىمەتكە سۇيەنسەك، ارتۋر تايمازوۆتان 2008-جىلعى بەيجىڭ وليمپياداسىنىڭ التىنى تارتىپ الىنعان.

وعان سەبەپ، WADA ۇيىمىنىڭ تەكسەرىسىنەن كەيىن بالۋاننىڭ قانىنان تۋرينابول دارمەگى تابىلعان. ناتيجەسىندە، قىتاي ەلىندە وتكەن باستى دودادا ەكىنشى ورىن العان رەسەيلىك باحتيار احمەدوۆكە وليمپيادا التىنى بۇيىردى. ال كۇمىس مەدال سلوۆاكيا اتىنان ونەر كورسەتكەن تاعى ءبىر وسەتيالىق بالۋان داۆيد مۋسۋلبەسكە بەرىلمەك.

ايتا كەتەيىك، ارتۋر تايمازوۆ 1979-جىلى سولتۇستىك وسەتيادا دۇنيەگە كەلگەن. 3 دۇركىن وليمپيادا چەمپيونى جانە ءبىر مارتە كۇمىس جۇلدەگەرى، 2 دۇركىن الەم چەمپيونى، 3 دۇركىن ازيا ويىندارىنىڭ جەڭىمپازى جانە كوپتەگەن حالىقارالىق جارىستاردا توپ جارعان بالۋان.

اۆتور: كۇنسۇلتان وتارباي