09:51, 07 - ءساۋىر 2017 | GMT +5
قىتايلىق حيرۋرگتەر ناۋقاستىڭ جۇلىنعان قولىن اياعىنا جالعاپ، قۇتقارىپ قالدى
استانا. قازاقپارات - شىعىس قىتايدىڭ سۋجوۋ وكرۋگىندە ىستەن شىققان ستانوك فابريكا جۇمىسشىسىنىڭ قولىن كەسىپ تۇسىرگەن.
بۇل تۋرالى Metro باسىلىمى حابارلايدى. ەر ادامدى اۋرۋحاناعا اكەلگەندە، دارىگەرلەر قاندى توقتاتتى، الايدا كەسىلگەن قولدى جالعاي الماعان.
كەسىلگەن قولدى ناۋقاستىڭ اياعىنا جالعاۋ تۋرالى شەشىم قابىلداندى. ارادا ءبىر اي وتكەن سوڭ قولدى ءوز ورنىنا قايتاردى. وتا سەگىز ساعاتقا سوزىلدى جانە ءساتتى ءوتتى.
سەگىز ايدان كەيىن ەر ادام قولىنىڭ جاندانا باستاعانىن حابارلاعان. دارىگەرلەر ناۋقاستى ءالى باقىلاپ كەلەدى جانە قول قيمىلىنىڭ قالپىنا كەلەتىنىن ايتۋدا.
