حالىق ءارتىسى تۇڭعىشبايدىڭ سىبايلاستارى اقشانى قالاي جىمقىرعاندارىن ايتىپ بەردى
بۇل تۋرالى Sputnik حابارلايدى.
سوتتالۋشىلار قاتارىندا - ءتۇسىرۋ كومانداسىنىڭ توعىز مۇشەسى، كينوكومپانيا قىزمەتكەرلەرى، ولاردىڭ ىشىندە «قازاق فيلمنىڭ» بۇرىنعى توپ-مەنەدجەرى بار. ولاردىڭ تورتەۋىنە، ونىڭ ىشىندە بۇرىن قاماۋعا الىنعان رەجيسسەر تالعات جانىبەكوۆ پەن «قازاق فيلم» ا ق- نىڭ بۇرىنعى باسقارۋ ديرەكتورى گاۋھار ىسقاقوۆاعا جانە بۇرىن كىناسىن مويىنداعان فيلمنىڭ باس پروديۋسەرى تۇڭىشباي جامانقۇلوۆقا بوتەننىڭ سەنىپ تاپسىرعان مۇلكىن يەلەندى جانە تالان تاراجعا سالدى دەگەن ايىپ تاعىلدى. وسى قىلمىس جاسادى دەگەن ايىپ اتقارۋشى پروديۋسەر ناتاليا يۋديناعا دا تاعىلدى. كەلتىرىلگەن شىعىن 69 ميلليون تەڭگەگە باعالانىپ وتىر.
سوت الدىنا ءبىرىنشى بولىپ، كينوكارتينانىڭ پروديۋسەرى ناتاليا يۋدينا شىقتى. ايتا كەتۋ كەرەك، ول ءوزىنىڭ كىناسىن تولىق مويىنداپ، 2 ميلليون تەڭگە شىعىن وتەپ بەرگەن بولاتىن. «2014 -جىلى ماۋسىمدا تۇڭعىشباي جامانقۇلوۆ «فەنيكس» فيلمىنىڭ وندىرىسىنە بولىنگەن قاراجاتتان 6 ميلليون تەڭگە الىپ، بەرىپ جىبەرۋدى تاپسىردى. مەن 5,3 ميلليون تەڭگەنى بەرىپ، بۇل تاپسىرمانى ورىندادىم»، - دەپ اتاپ ءوتتى سوتتالۋشى.
ناتاليا يۋدينا اتالمىش قاراجات قانداي جولدارمەن قولدى بولعانىن ايتىپ بەردى. 1 ميلليون تەڭگەگە جۋىق قاراجات «Alma Store» ج ش س ديرەكتورى، كۇدىكتى مارلەن ابىشەۆتىڭ اراسىندا كەلىسىمشارت جاساۋ ارقىلى جىمقىرىلعان. ول كەلىسىمشارت بويىنشا، ابىشەۆتىڭ كومپانياسى «فەنيكس» فيلمىنىڭ تۇسىرىلىمىنە قاجەتتى بەينەقۇرىلعىلار، بايلانىس جانە كولىك قاتىناسىمەن قامتاماسىز ەتۋى ءتيىس بولعان. الايدا تەرگەۋ بارىسىندا انىقتالعانىنداي، اتالمىش ج ش س سول بەتى ەشقانداي قىزمەت كورسەتپەگەن.
ونىڭ ۇستىنە 1,3 ميلليون تەڭگە «الەكش» اتتى باسقا دا جالعان كاسىپورىن ارقىلى الىنعان. تاعى 2,3 ميلليون تەڭگە كۇدىكتى يليا كوروبەينيكوۆتىڭ، اتاپ ايتقاندا وعان تيەسىلى «SKARABEI STUDIO» جەكە كاسىپكەرلىگى ارقىلى الىنعان. 300 مىڭ تەڭگە جۇرگىزۋشى ۆلاديمير رۋسناكوۆتى جۇمىسقا الۋ تۋرالى جالعان كەلىسىمشارتى ارقىلى جىمقىرىلعان. ناتاليا يۋدينا قۇجاتقا جۇرگىزۋشىنىڭ قولىن ءوزى قويعان.
قالعان 717 مىڭ تەڭگە تۇڭعىشباي جامانقۇلوۆتىڭ تاپسىرماسىمەن «ت. ك. TURAN UNIVERSAL BUSINESS» ج ش س ەسەپشىسى نازگۇل ءجۇنىسوۆانىڭ كومەگىمەن الىنعان. سونىمەن قاتار تۇڭعىشباي جامانقۇلوۆ ناتاليا يۋديناعا كارتينا رەجيسسەرى تالعات جانىبەكوۆكە، سمەتادا كورسەتىلمەسە دە، جالعا الىنعان پاتەر اقىسىن تولەۋدى مىندەتتەگەن.
وسىلايشا، يۋدينا ءتۇرلى جەكە كاسىپكەرلەر ارقىلى جانىبەكوۆكە 1,2 ميلليون تەڭگە بەرگەن. ايتا كەتكەن ءجون، تۇڭعىشباي جامانقۇلوۆقا 1 ميلليون تەڭگە شەشىپ بەرگەن مارلەن ابىشەۆ يۋدينانىڭ جاۋاپتارىن شىندىققا جاناساتىنىن راستادى جانە ءوز كىناسىن مويىندادى.
