ءۇندىستان دجۋنگليىندە مايمىلدار اراسىندا وسكەن قىز بالا تابىلدى - كەسكىن

استانا. قازاقپارات - ءۇندىستاننىڭ وڭتۇستىگىندە مايمىلداردىڭ اراسىندا تۇرىپ كەلگەن قىز بالا تابىلدى.

بۇل تۋرالى «لەنتا. رۋ» سايتى Times of India-عا سىلتەمە جاساپ حابارلاۋدا. بالانى پوليتسيا قىزمەتكەرى سۋرەش ياداۆ (Suresh Yadav) كاتارنياگحات (ۋتتار- پرادەش شتاتى) قورىعىنىڭ اۋماعىن كەزەكشىلىك تەكسەرۋ بارىسىندا تاۋىپ العان.

سەگىز جاسار قىز ابدەن اشىققان، ۇستىندە كيىمى بولماعان. ونى دجۋنگليدەن الىپ كەتۋ بارىسىندا مايمىلدار مازاسىزدانىپ، قارسىلىقتارىن بىلدىرگەن. قىز دا ول جەردەن كەتكىسى كەلمەگەن. پوليتسەيگە ارىپتەستەرىن كومەككە شاقىرۋعا تۋرا كەلگەن.

اتاپ وتىلگەندەي، بالا سويلەۋ بىلمەيدى، جەردەن تاماقتانادى جانە ءتورت اياقتاپ جۇرەدى. ول اۋرۋحاناعا جەتكىزىلدى. پوليتسيا «ماۋگليدىڭ» تۇلعاسىن جانە ونىڭ ورمانعا قالاي تۇسكەنىن انىقتايتىن بولادى.

اۆتور: ميرا تولەندى قىزى